Astanada sharshy alańǵa shoıyn judyryqty jigitter shyǵady

Búgin Astanadaǵy Ortalyq kommýnıkaııalar qyzmetinde «Qazaqstan» korporaııasynyń uıymdastyrýymen «Astana arlans» kýbogynyń kórsetilimine baılanysty brıfıng ótti.

Oǵan «Qazsport»  telearnasynyń dırektory Pavel ybýlın, bokstan Olımpıada chempıony Baqtııar Artaev pen Olımpıadanyń qola júldegeri Qanat Islam qatysty.

Jıynda «Qazsport» telearnasynyń basshysy sport arnasynyń  otandastarymyzdy únemi  qoldap keletinin,  Gennadıı Golovkın, Qanat Islam, Fırýza Sharıpova, Beıbit Shúmenov pen basqa da myqty boksshylarymyzdyń jekpe-jekterin, sondaı-aq, elimizdegi jarystar men halyqaralyq týrnırlardy turaqty túrde arnadan kórsetip jatqanyn aıtty. «Endi mine, 16 jeltoqsanda «Astana Arlans» kýbogyn kórsetemiz. Bul jarysty sol kúni saǵat 23:00-de «Qazsport»  arnasy  kóre alasyzdar», — dedi ol.

Osy kúni Astana qalasyndaǵy «Dáýlet» sport kesheninde «QAZAQ promotions» promoýterlik kompanııasynyń uıymdastyrýymen kásipqoı boks keshi ótedi. Oǵan Aıdar Sharybaev, Ashat Ýálıhanov, Abylaıhan Qusaıynov, Elshat Nyǵymetollauly men Rýslan Myrsataev qatysady.

Brıfıngte Qanat Islam «Astana Arlans» týrnıriniń negizgi maqsatyna toqtaldy. Ol jarystyń maqsaty – elimizde kásipqoı boksty damytý ekenin aıta kelip, qazir bizdiń elde áýesqoı bokstan el birinshiliginiń ózine eki júzdeı boksshynyń qatysatynyn, onyń jıyrma shaqtysy ǵana quramaǵa ilikse, sonyń bireýi ǵana Olımpıadaǵa baratynyn aıtty. «Bizdiń elde áýesqoı boks jaqsy damyǵan. Onyń ózindik joly, mektebi bar. Bir ókinishtisi, balalardyń bári jarystarǵa qatysyp, quramaǵa ilikpeı qalady. Qazaqstan chempıonatyna qatyspaıtyndary qanshama. Bizde ár oblysta bes-alty myń bala boksqa barady. Al Amerıka elderinde áýesqoı boks ta kásipqoı boks ta jaqsy damyǵan. Sondyqtan ol jaqta ulttyq quramaǵa ilikpegen boksshylar bos júrmeıdi. Biz qazaqtyń jigitterine Amerıkadaǵydaı kásipqoı boksqa jol ashqymyz keledi»,—dedi ol.

Osyǵan baılanysty Baqtııar Artaev ta týrnır týraly tolyǵyraq málimet berdi. Ol qazaq jigitteriniń arasynda kúsh-jigeri tasyǵan, aldyna maqsat qoıǵan boksshylardyń kóp ekenin, solardyń armanyn oryndaý úshin osy boks keshin uıymdastyryp jatqanyn, keshte sportshylar ár túrli salmaq dárejesinde sharshy alańǵa shyǵatynyn, sonyń ishinde jasy 60-tan asqan eki adamnyń da bolatynyn aıtty.

Jeńimpazdar «Astana» prezıdenttik kásibı sport klýbynyń  arnaıy syılyǵy jáne kýbogymen, «Týrnırdiń eń myqty boksshysy», «Jeńiske degen erik úshin» — «Astana Arlans» kýbogy, «Kórermender kózaıymy» — «Astana Arlans» kýbogy   atalymdary boıynsha marapattalady.

«Astana arlans» kýbogynyń jeńimpazdaryn elimizdiń  tanymal sportshylary, Olımpıada chempıondary Baqtııar Artaev, Serik Sápıev, Danııar Eleýsinov, Olımpıadanyń eki dúrkin kúmis júldegeri Bolat Jumadilov, qola medalısi Qanat Islam, Mereı Aqshalov pen  Qanat Ábýtálipov marapattaıtyn bolady.

Raqymjan KEMEL,

 ASTANA