SportPress.kz Qazaqstan sport jańalyqtary
Almaty qalasynda sambo kúresinen 1999 – 2000 jyly týǵan jastar (uldar, qyzdar) arasynda KSRO-ǵa jáne Qazaqstan Respýblıkasyna Eńbek sińirgen jattyqtyrýshy, Qazaqstan Respýblıkasyna Eńbek sińirgen qaıratker Temirhan Dosmuhambetovtiń 70 jas mereıtoıyna arnalǵan el chempıonaty ótti, dep habarlady Semeı sport akademııasynyń baspasóz qyzmeti.
Alataý bókterinde, Astana, Almaty men Shymkent jáne 14 oblystyń komandasy bas qosqan bul jarysta 360 sambo sheberleri boz kilemniń kórigin qyzdyrdy. Chempıonatqa Semeı sport akademııasynyń segiz shákirti qatysty. 74 kıloda baq synaǵan Shalqybek Rahmetollaev chempıon atansa, qyzdar arasynda 64 kıloda beldesken Zarına Sarıpova qola medaldi ıelendi. Aıta ketsek, Shyǵys Qazaqstan oblysy bul chempıonatta bir altyn, eki kúmis, eki qola medal enshiledi.
