Минск қаласында самбошы Руслан Жарқынбаев қола жүлде алды

Минск қаласында самбо күресінен ерлер мен әйелдер арасында және жауынгерлік самбодан А санатындағы XXIII халықаралық турнирі, самбо күресінен Беларусь Республикасының ашық чемпионаты және осы елдің Президентінің жүлдесіне арналған әлемдік бәсі жоғары жарыс өтті, деп хабарлады Семей спорт академиясының баспасөз қызметі.

Әлемдегі кіл мықты самбо шеберлерінің басын қосқан бұл жарысқа Семей спорт академиясының намысын Төлеген Нұрғалиев пен Руслан Жарқынбаев қорғады. Минск төрінде Руслан Жарқынбаев 82 кг салмақта қоладан медаль тақты. Айта кетейік, бұл жарысқа әлемнің әр түкпірінен 400-ге жуық балуан келіп, бақ сынаған болатын.