استانادا «ناۋرىز مەيرامى»  مەرەكەلىك ۆەلوشەرۋى ءوتتى

21 ناۋرىز كۇنى استانادا «سارىاركا» ۆەلوترەگىنىڭ اۋماعىندا جاستار جىلىنا ارنالعان «ناۋرىز مەيرامى» مەرەكەلىك ۆەلوشەرۋى ءوتتى.

شارانى مادەنيەت جانە سپورت ءمينيسترى  ارىستانبەك مۇحامەدي ۇلى اشتى. ۆەلوشەرۋدە ءبىرىنشى ورىندى ەرلەر اراسىندا ەرجان ومىرقۇل جەڭىپ الدى.  ەكىنشى ورىندى دانيار قۇتتىبەك، ءۇشىنشى ورىندى اندرەي كرەيس يەلەندى. ايەلدەر اراسىندا ءبىرىنشى بولىپ مارەگە  اناستاسيا لارتسوۆا كەلسە، ەكىنشى بولىپ جانسايا ابدۋكارىموۆا جەتتى. ال ءۇشىنشى ورىنعا ءلاززات  رامازانوۆا يە بولدى.

ەرەسەكتەر اراسىندا ءبىرىنشى ورىندى ساعدات سەرگەباەۆ السا، ايەلدەر اراسىندا ءلاززات رامازانوۆا قۇرمەت تۇعىرىنا كوتەرىلدى. ەرلەر اراسىندا جارىسقا قاتىسقان ۇزدىك جاس سپورتشى بولىپ تيمۋر سەيىتبەكوۆ، قىزدار اراسىندا اناستاسيا  لارتسوۆا اتاندى.

بارلىق قاتىسۋشىلار 6 شاقىرىم ءجۇرىپ ءوتتى. سونىمەن قاتار، سپورتشىلار ارمرەستلينگ، اسىق اتۋ، توعىزقۇمالاق، كۇرەس، گىر كوتەرۋ بويىنشا ونەر كورسەتتى. مەرەكەلىك شارا كەزىندە قازاقتىڭ سالتى بويىنشا تۇساۋ كەسەر ءراسىمى ءوتتى.

جارىس بۇقارالىق سپورت تۇرلەرىن دامىتۋ، ونى حالىق اراسىندا ناسيحاتتاپ، سالاماتتى ءومىر سالتىن قالىپتاستىرۋ ماقساتىندا وتكىزىلدى.

رۇستەم جۇمان،

استانا