ونلاين جارىستا جەڭىمپازدار مەن ولاردىڭ مۇعالىمدەرى ماراپاتتالدى

قازاقستان رەسپۋبليكاسىنىڭ تۇڭعىش پرەزيدەنتى – ەلباسى تەستىلەرىنەن مەكتەپ وقۋشىلارى اراسىندا ونلاين ءتۋرنيردىڭ جەڭىمپازدارى مەن ولاردىڭ دەنە شىنىقتىرۋ مۇعالىمدەرى ماراپاتتالادى. بۇل تۋرالى ءبىلىم جانە عىلىم مينيسترلىگى ۇلتتىق عىلىمي-پراكتيكالىق دەنە تاربيەسى ورتالىعىنىڭ ءباسپاسوز قىزمەتى حابارلادى.

ونلاين تۋرنيردە الماتى وبلىسى، قاراتال اۋدانى، لەرمونتوۆ اتىنداعى ورتا مەكتەپتىڭ وقۋشىلارى گيۋزەل ەسمەروۆا ءبىرىنشى ورىندى،  رۋستام كۋدروۆ ءۇشىنشى ورىندى (دەنە شىنىقتىرۋ ءپانى مۇعالىمى – رىستى نايماحانقىزى دۇيسەنباەۆا)، دانا پاۆلوۆا مەن ۆلاديسلاۆ توريانيكوۆ ءبىرىنشى ورىندى جەڭىپ الدى  (دەنە شىنىقتىرۋ ءپانى مۇعالىمى –  جاتتىقتىرۋشى  ءجۇسىپجان كەنجەبەك ۇلى سايىنوۆ).

اقمولا وبلىسىنىڭ وقۋشىلارى جاۋار ءالىبي ءبىرىنشى ورىندى، ۆيكتور سكورنياكوۆ، سەرگەي ۋسانين، ديانا ۋتەگەنوۆا، لاۋرا گاليەۆا، اسەل مامىرباەۆا  ەكىنشى ورىندى، ۆيولەتتا تىششەنكو ءۇشىنشى ورىندى يەلەندى. يليا كارتسەۆ ۇزدىك ونەر كورسەتكەنى ءۇشىن سەرتيفيكاتپەن ماراپاتتالدى. بالالاردى دوداعا دايىنداعان ايماقتىڭ بىلىكتى ۇستازدارى – اسەت شوقاەۆ، اسىلجان وسمانوۆ، جاسۇلان ازارباقىتوۆ، يگور ۋسانين.

اتىراۋ وبلىسىنىڭ وقۋشىلارى ساعىنبەك حاسانوۆ پەن ماليكا ەسەنوۆا ءبىرىنشى ورىنعا يە بولدى. ولاردى جارىسقا دەنە شىنىقتىرۋ ءپانى مۇعالىمى 30 جىل جۇمىس ءوتىلى بار س.راحيموۆ، ب.مومىش ۇلى، س.نۇرماعانبەتوۆ، ت.بيگەلدينوۆ اتىنداعى مەدالداردىڭ يەگەرى مەيرامعالي باقتىگەرەي ۇلى دوسانوۆ دايىندادى.

سەمەي قالاسىنىڭ وقۋشىلارى نۇرالى بەلگىباەۆ ەكىنشى ورىندى، تيمۋر قاسەنوۆ، ەگور كوزىرەۆ، يۋليا گۋتسەنكو ءۇشىنشى ورىندى يەلەندى. تيمۋر كاسەنوۆتىڭ ۇستازى – ن.گ.چەرنىشەۆسكي اتىنداعى №1 مەكتەپتىڭ دەنە شىنىقتىرۋ مۇعالىمى، پەداگوگ-ساراپشى رافاەل مۋحامەتگاليەۆيچ مۋرساليموۆ.

قىزىلوردا وبلىسى، قازالى اۋدانى، ايتەكە بي كەنتىنىڭ ق.ي.ساتباەۆ اتىنداعى №216 مەكتەپ وقۋشىسى اياگوز ەرمەك  ءۇشىنشى ورىندى قاناعات تۇتتى. ونى دوداعا دەنە شىنىقتىرۋ مۇعالىمى  ءساتباي ەرماحانوۆ اپاردى.

جەڭىس تۇعىرىنان كورىنگەن جاس سپورتشىلار مەن مۇعالىمدەردى شىن جۇرەكتەن قۇتتىقتاي وتىرا، سپورت جانە دەنە شىنىقتىرۋ سالاسىندا وزىق وبلىستارعا جانە ۇستازدارىنا بيىك جەتىستىكتەر تىلەيمىز!