Eńbek elense este qalady

Qazirgi tańda dúnıejúzin jaılaǵan indettiń áseri bizdiń elge de tıip tur. Degenmende  osyndaı qıyn kezde indetke moıynusynbaı kúresýdiń eń bir tıimdi tásili sport deýge bolady.

Sport – densaýlyq kepili desek, deneshynyqtyrýmen belsene aınalysqan janǵa eshqandaı dert tuzaǵyn sala almaıdy. Zamannyń aǵymyna qaraı aǵyspen arpalysa eńbek etip jatqan sport mektepteriniń ıgilikti isteri eshqashan eleýsiz qalmaıtyny bir anyq. Aıtalyq, búginde Qarken Ahmetov atyndaǵy Olıpıadalyq rezerviniń arnaıy respýblıkalyq mamandandyrylǵan mektep-ınternat kolledji eldegi ilgeri oqý jáne sport ordasynyń biri bolyp sanalady. Bul mektepte tálim alyp jatqan daryndy jasósprimder sportpen belsene aınalysyp, tabystan tabysqa jetip keledi. Ásirese, aıtýly mektep-ınternattyń qabyrǵasynda salynǵan elimizde teńdesi joq Dzıýdo akademııasynda jattyǵatyn bota balýandardyń jeńisti joldary kópke úlgi bolarlyqtaı.

Tarıhy tereńnen taraý alǵan aıtýly mekteptiń qabyrǵasynan elimizge tanymal kóptegen sportshylardyń shoǵyry shyqty. Mysaly, dzıýdo kúresinen  Ashat Jıtkeev, Eldos Smetov syndy sańlaqtarymyz Olımpıada oıyndarynda kúmis júldelerdi ıelenip, kók baıraǵymyzdy kókten jelbiretse, altyn alqaly aǵalarynyń izin jalǵastyrýshy jas talant Bekarys Sádýaqas Argentınanyń astanasy Býenos-Aıreste jasóspirimder arasynda ótken III Olımpıada oıyndarynyń chempıony atanyp, elimizdiń atyn shyǵardy. Mine, osyndaı qazaq sportynyń maqtanyshyna aınalǵan apaıtós sportshylardyń kópshiligi osy Qarken Ahmetov atyndaǵy Olıpıadalyq rezerviniń arnaıy respýblıkalyq mamandandyrylǵan mektep-ınternat kolledjdiń qabyrǵasynan qanattary  qataıyp túlep ushsa, keıbir jas talanttar bilimin ushtap jattyǵýyn áli jalǵastyrýda.

Búginde qurylysy jańaryp, jańasha kórinis alǵan aıtýly mektep-ınternattyń aýlasynda ornalasqan záýlim Dzıýdo akademııasy talantty balýandardy shyǵaryp jatqan ustahana ispetti. Sondyqtanda bul mektep-ujymy barlyq maqtaýǵa laıyqty jumys istep otyr.

Búgin aıtýly mektepke Ulttyq Olımpıada komıtetiniń Sport dırekııasynyń dırektory Elsııar Baımuhameduly Qanaǵatov arnaıy at basyn buryp, eńbekterimen kópke úlgi bolyp otyrǵan Qarken Ahmetov atyndaǵy Olıpıadalyq rezerviniń arnaıy respýblıkalyq mamandandyrylǵan mektep-ınternat kolledjdiń dırektory Seıilhan Qaraqovqa Dzıýdo akademııasyn akkredıtaııalaý sertıfıkatyn qurmetpen tabys etti. Elimizdegi Ulttyq Olımpıada komıteti sekildi mártebeli sport orynnyń osyndaı joǵary baǵa berip ketýi mektep ujymynyń irgeli isteriniń nátıjesi  dep bilemiz.

Aqyn ORDABAIULY,

ALMATY