Almatyda jańa sýalyby ashyldy

Elimizde sý sportynan ulttyq qurama komanda men jekelegen klýbtardyń álem arenasyna atoılap ózin tanytý úshin sporttyń osy túrinen halyqaralyq standartqa saı alańdar salynýy kerek. Búgingi kúni sport keshenderi elimizdiń ár aımaǵynda kóptep  ashylyp jatyr. Ol árıne, qýanarlyq jaı, joq deýge aýzymyz barmas. Degenmen jasóspirim balalardy sý sportyna qyzyqtyra bilýge kelgende ne istep jatyrmyz? – degen suraqty ózimizge qoıyp kórelik.

Iá, sport mektepterinde sý sportynan úıirmeler jumys isteıdi. Al, sol sý  sportyna qadam basyp kelgen balalar qandaı jaǵdaıda jattyǵa alady? Osy másele ózektirek dep oılaımyn. Jastardan nátıje talap etý úshin aldymen jaǵdaı týǵyzýdy biz keıde artqa tastap qoıamyz. Negizi ol durys emes. Ol úshin zamanaýı turǵyda keshendi sý sportynyń alańdary turǵyzylýy qajet. Bul turǵyda Almatydaǵy  Karken Ahmetov atyndaǵy Olımpıada  rezerviniń  respýblıkalyq  mamandandyrylǵan mektep-ınternat kolledjin kópke úlgi etip aıtýǵa bolady. Munda jasósipirim talanttar úshin bar jaǵdaı jasalǵan. Qaısibir sport zaldy alyp bas suǵyp qarasaq, sol sport túrine arnalǵan ınventarlarmen jabdyqtalǵan. Dzıýdo akademııasy óz aldyna bir tóbe. Sol sport zaldarda shúmektep terin tókken daryndy balýan Eldos Smetov Olımpıadanyń kúmis júldesin jeńip alyp, elimizdi bir qýantqany áli esimizde.

Eldos osy kıeli mekteptiń tól túlegi. Sonymen qatar mektep ózge sport túrlerinen de elimiz boıynsha topjaryp úzdikter qatarynda keledi. Mysaly, sý sport túrlerine arnalǵan sý jańa sýalybyn tilge tıek etip aıtsaq, bul sport túrinde osy mekteptiń jas qyrandary halyqaralyq jarystarda el qorjynyna júlde salyp júr. Mysaly, bıylǵy jyly sáýir aıynda Reseıdiń Qazan qalasynda úılesimdi júzýden ótken Álem kýbogynyń kezeńinde jeke, dýet, aralas dýet jáne haılaıt túrindegi syndar boıynsha K.Ahmetov mektep-ınternat kolledjdiń daryndy sportshylary 7 altyn, 7 qola medal jeńip alǵan eken. Bul jeti qyzdyń jeti altyn, qola júldesi Qazaqstannyń da sý sporty túrinen álemdegi kóshbasshy memlekettermen terezesi teńdeı óner kórsete alady degen sózdi bildiredi. «Qyran balapanyn uıasynda baptaıdy» desek, sý sportynyń súleılerin sýda shyńdap jattyqtyryp alaman jarystardan qaldyrmaǵan abzal. Balalar jarys arqyly ósedi. Sondyqtan da jas sportshylardyń odan joǵary álem, Olımpıada oıyndarynda tabysty óner kórsetýleri úshin aldymen jaǵdaı týǵyzý kerek ekenin jaqsy biletin, K Karken Ahmetov atyndaǵy Olımpıada  rezerviniń  respýblıkalyq  mamandandyrylǵan mektep-ınternat kolledjiniń dırektory Seıilhan Qaraqov  sý jańa sýalybynyń qurylysyn jasap bitip qoldanysqa berip otyr.

Jetkinshekteriniń jeńisti jolyn kúni burynnan oılaıtyn janashyr basshy, isker azamat Seıilhan Baqtyǵalıulynyń  tynymsyz áreketteri jemisin aldaǵy ýaqytta sózsiz bertinine bek senimdimin. О́ıtkeni, qoldaý, qamqorlyq barda nátıje de kóp kúttirmeıdi.  Aıtýly mekteptiń tolaǵaı tabystary bilikti basshylyqtyń bilgir mamandardy janyna aırandaı  uıyta bilýden de shyǵar degen oıda qalasyń. Aıtalyq qazaq sportynyń damýyna  ǵylymı túrde kóptegen metodıkalyq oqý-quraldaryn jazyp  shyǵarǵan Anatóli Qulnazarov sekildi aqsamaıly aǵamyz búginde ómirlik tájirbesin jas daryndy sportshylarǵa aıtyp, mekteptiń abyroıyn kóterýge úlesin qosyp júr. Jastardyń aǵa býynnan alary  kóp. Al, endi sý jańa sýalybynyń búgingi kórinisine qaıta oralsaq. Kezinde tozyǵy jetip, sýy tazaryp kórmegen sýalyby búginde túgeldeı qurylysy jańaryp, jańa zamanǵa saı jańa tehnologııalyq tazartý qubyrlary qoıylǵan eken. Sý avtomatty túrde tazartylyp, adam densaýlyǵy úshin paıdaly qospalar qosylyp sýalyby taý sýyndaı móldir taza kúıge engen. Qazirgi kúni endi ǵana qoldanysqa berilgeli otyrǵan sý jańa bul oryn halyqaralyq standartqa saı sport alańyna aınalǵaly tur. Kórseń kózdiń jaýyn alatyn bul sýalybynda sý doby, júzý, úılesimdi júzý sekildi sport túrlerinen jas talanttar qýana sýǵa súńgip jattyǵýlaryn  jaqsy kóńil kúımen jalǵastyratyn bolady. Bul jerde jattyǵatyn sportyshlar jeńisterden kórinbeýi múmkin emes. О́ıtkeni, sýdyń ózi «kel, tús, súńgi júz, jalyqpa jas óren», dep shaqyryp turǵandaı.

Aqyn ORDABAIULY,

ALMATY