تۇركى ەلدەرىنىڭ ءتۋرنيرى تۋ تىكتى

بۇگىن «استانا ارەنا» ستاديونىندا فۋتبولدان العاش رەت تۇركى كەڭەسىنىڭ ديپلوماتيالىق وكىلدىكتەرى، باقىلاۋشى ەلدەرى مەن قازاقستاندا تىركەلگەن حالىقارالىق ۇيىمداردىڭ اراسىندا تۋرنير ءوتتى.

ءىس-شارا تۇركىتىلدەس ەلدەردىڭ ىنتىماقتاستىق كۇنىنە جانە تۇركى مەملەكەتتەرى تاۋەلسىزدىگىنىڭ 30 جىلدىعىنا ارنالدى.

تۋرنيرگە بارلىعى 11 كوماندا قاتىستى. جارىستا  ازىربايجان، ۆەنگريا، قىرعىزستان، تۇركىمەنستان، تۇركيا، وزبەكستان ەلشىلىكتەرى مەن حالىقارالىق تۇركى اكادەمياسى، ازياداعى ءوزارا ىقپالداستىق جانە سەنىم شارالارى جونىندەگى كەڭەستىڭ حاتشىلىقتارى (اوسشك) جانە ازىق-ت ۇلىك قاۋىپسىزدىگى جونىندەگى يسلام ۇيىمىنىڭ (IOFS) كوماندالارى كۇش سىناستى. قازاقستان رەسپۋبليكاسىنىڭ سىرتقى ىستەر مينيسترلىگىنە ەكى كوماندانى قاتىستىردى.

جارىستىڭ اشىلۋ سالتاناتىندا قازاقستان رەسپۋبليكاسى سىرتقى ىستەر ءمينيسترىنىڭ ءبىرىنشى ورىنباسارى شاحرات نۇرىشەۆ قاتىسۋشىلارعا قۇتتىقتاۋ ءسوز سويلەدى.

ال تۋرنيردە ۆەنگريا ەلشىلىگىنىڭ كومانداسى جەڭىمپاز اتاندى. ەكىنشى ورىندى قازاقستان سىرتقى ساياسات ۆەدومستۆوسى كوماندالارىنىڭ ءبىرى جەڭىپ الدى. ءۇشىنشى ورىندى حالىقارالىق تۇركى اكادەمياسى يەلەندى.

ءىلياس وماروۆ