بوكسشى ايدوس ەربوسىن ۇلى كومادان كەيىن بالالارىنا حات جازدى

بوكسشى ايدوس ەربوسىن ۇلى كومادان شىققان سوڭ العاش رەت Instagram جەلىسىندەگى اككاۋنتىن جاڭارتتى.

ول Instagram-داعى Stories-ىندە بالالارىنىڭ سۋرەتتەرى جاريالاپ، ولارعا حات جازدى.

ايدوس ەربوسىن ۇلى 6 قاراشادا WBA Regular اتاعى ءۇشىن جەكپە-جەكتە كۋبالىق دەۆيد موررەلدەن نوكاۋتپەن جەڭىلگەن بولاتىن. جەكپە-جەكتەن كەيىن سپورتشى اۋىر حالدە اۋرۋحاناعا جاتقىزىلىپ، جاساندى كوماعا ءتۇستى. وعان وتكەن اپتادا وپەراتسيا جاسالدى. سودان كەيىن ول  تەراپيا بولىمىنەن پالاتاعا اۋىستىرىلدى.

ESPN تەلەارناسىنىڭ ساراپشىسى جانە اقش-تاعى بوكستىڭ بەلگىلى شولۋشىلارىنىڭ ءبىرى دەن رافاەلدىڭ ايتۋىنشا، قازىر ايدوس ەربوسىن ۇلىنىڭ جاعدايى جاقساردى.

«ايدوس سويلەي الادى. ازداپ ءوز بەتىنشە جۇرە الاتىن بولدى»، –  دەدى ول.

داستان كەنجالين،

استانا