SportPress.kz قازاقستان سپورت جاڭالىقتارى
شۆەتسيانىڭ ەستەرسۋند قالاسىندا پاراشاڭعى مەن پارابياتلوننان ءوتىپ جاتقان الەم چەمپيوناتىندا تۇڭعىش رەت قازاقستان سپورتشىسى باس جۇلدەنى جەڭىپ الدى.
مادەنيەت جانە سپورت مينيسترلىگى سپورتتى دامىتۋ ديرەكتسياسىنىڭ حابارلاۋىنشا، ەربول حاميتوۆ پاراشاڭعىدان وتكەن جارىستا مارەگە 2 ساعات 44،23 مينۋتتا جەتىپ، چەمپيون اتاندى. وسى سپرينت قاشىقتىعىندا ۋكراينالىق تاراس راد مارە سىزىعىن ەكىنشى بولىپ قيسا، برازيليالىق كريستيان ۆەستماەر ريبەيرا قولا جۇلدەگە يە بولدى.
وسىلايشا، ەربول حاميتوۆ بيىلعى الەم چەمپيوناتىندا ەكىنشى جۇلدەسىن الدى. ول الەم چەمپيوناتىنىڭ العاشقى كۇنى پارابياتلوننان قولا جۇلدەنى جەڭىپ العان ەدى.
داستان كەنجالين،
استانا
