Áıelder kúresinen Spartakıada chempıondary anyqtaldy

Spartakıadada bıyl jaraqatyn emdep, bir jyldan keıin bozkilemge qaıta oralǵan Elmıra Syzdyqova týǵan kúninde Spartakıdanyń altyn júldesin jeńip aldy. 31 jasqa tolǵan balýandy Qazaqstan grek-rım erkin jáne áıelder kúresi federaııasynyń prezıdenti Dáýlet Turlyhanov fınaldardyń aldynda arnaıy quttyqtady.

Elmıra Syzdyqova — Olımpııa oıyndarynda júlde jeńip alǵan tuńǵysh qazaq qyzy (2016 jyly Rıo-de-Janeıroda ótken Olımpıada). Ol fınaldan keıin bergen suhbatynda áli tolyq babyna kelmegenin, endi daıyndyqty jalǵastyryp, halyqaralyq jarystarda qurmet tuǵyrynyń eń bıik satysyna qaıta shyǵýǵa bar kúsh jigireni salatynyn aıtty.

Barlyq beldesýden keıin áıelder kúresinen ulttyq quramanyń bas jattyqtyrýshysy Qaırat Saǵadıev balýandardyń daıyndyq josparyna toqtaldy. Ol bıyl eki qurama jasaqtalyp, halyqaralyq jarystarda kezek-kezek óner kórsetetinin atap ótti.

Erteń jáne arǵygúni erkin kúres sheberleri Spartakıadadaǵy balýandar dodasyn aıaqtaıdy. Endi nazarlaryńyzǵa chempıondar men júldegerlerdiń tizimini usynamyz.

50 kg:

1.Ellada Mahıaddınova (Aqmola oblysy)

2.Svetlana Ankıcheva (Astana)

3.Maral Táńirbergenova (Mańǵystaý oblysy), Kamıla Apekova (Pavlodar oblysy)

53 kg:

1. Altyn Shaǵaeva (Almaty oblysy)
2. Gúljazıra Amantaeva (Qostanaı oblysy)
3. Madına Asan (Almaty qalasy), Zeınep Baıanova (BQO)

55 kg:

1. Marına Sedneva (Almaty oblysy)
2. Gúlsamal Nurlan (Aqtóbe oblysy)
3. Zýlfııa Iahıarova (Qaraǵandy oblysy), Laýra Almaǵambetova (Qostanaı oblysy)

57 kg:

1. Nılýfar Raıymova (Túrkistan oblysy)
2. Aınur Áshimova (Almaty oblysy)

3.Tatıana Tarabrına (BQO) men Aıjan Ismaǵulova (Aqtóbe oblysy)

59 kg:

1. Dıana Kaıýmova (Astana)
2. Aıgerim Ibrasheva (Aqtóbe oblysy)
3. Danagúl Málken (Túrkistan oblysy) men Emma Tısına (Astana)

62 kg:

1. Irına Kýzneova (Aqmola oblysy)
2. Aıaýlym Qasymova (Almaty oblysy)

3.Ásııa Álibek (Shymkent) men Jangúl Bold (Aqmola oblysy)

65 kg:

1. Albına Qaıyrgeldınova (Aqmola oblysy)
2. Darıǵa Áben (Túrkistan oblysy)
3. Tynys Dýbek (Almaty oblysy) men Dılıara Aıtjanova (Aqmola oblysy)

68 kg:

1. Elena Shalygına (Shymkent)

2. Gaýhar Muqataı (Almaty qalasy)

3. Amına Temirtasova (Aqmola oblysy) men Shámshııabaný Tastanbek (Túrkistan oblysy)

72 kg:

1. Jamıla Baqbergenova (Astana)
2. Anastasııa Panasovıch (BQO)
3. Aleksandra Zaıeva (Aqmola oblysy) men Aqmaral Asanqyzy (Qaraǵandy oblysy)

76 kg:

1. Elmıra Syzdyqova (Qaraǵandy oblysy)
2. Gúlmaral Erkebaeva (Astana)
3. Alına Ertóstik (Aqtóbe oblysy), Ulbosyn Qojamberdi (Almaty oblysy)

Jalpy esepte Almaty oblysy 1-oryn (144 upaı) alsa, odan keıingi oryndarǵa Aqmola (115) men Túrkistan oblysy (113 upaı) jaıǵasty.

 

Shamken BAIYRBEK,

ASTANA