Jazǵy Spartakıada: erkin kúresten jeńimpazdar anyqtaldy

Almatyda ótip jatqan VI jazǵy Spartakıadada balýandardyń beldesýleri jalǵasyp jatyr. Erkin kúres sheberleri bozkilemde 5 salmaqta úzdikterdi anyqtady. Bul týraly Mádenıet jáne sport mınıstrligi Sportty damytý dırekııasy habarlady.

Apta basyndaǵy básekede birneshe sensaııa tirkeldi. Atap aıtqanda, ulttyq quramadaǵy 74 kelige deıingi salmaqta kóshbasshynyń biri, 2019 jylǵy álem chempıonatynyń kúmis júldegeri, 2 dúrkin Azııa chempıony Nurqoja Qaıpanov jartylaı fınalda Darhan Esenǵalıden jeńilip qaldy. Bul aıqas jaıly Darhan Esenǵalıdyń ózi kezdesýge arnaıy daıyndalǵanyn, osyǵan deıin odan tórt ret utylǵanyn aıtyp, bıylǵy Spartakıada namysqa tyrysyp, jeńiske jetkenin aıtty.

Nurqojamen bolatyn kezdesýge arnaıy daıyndaldym. Osyǵan deıin odan tórt ret utyldym. Al búgin sátin salyp, jeńiske jettim. Bári bapkerler qoıyp bergen taktıka men jaqsy daıyndyqtyń arqasy, — dedi ol.

Ol fınalda tájirıbeli balýan, 2016 jylǵy álem chempıonatynyń kúmis júldegeri Nurlan Bekjanovtyń da osal tusyn taýyp, alǵash ret Spartakıada chempıony atandy. Atap ótetin br nárse, VI jazǵy Spartakıada sport túrlerinen bıylǵy el chempıonatynyń ornyn basady.

Al basqa salmaqtarda myna balýandar qurmet tuǵyrynan kóterildi:

57 kg:

1. Rahat Qaljan (Jambyl oblysy)
2. Meırambek Qartbaı (Aqtóbe oblysy)
3. Abzal Okenov (Astana), Ernur Qabataev (Pavlodar oblysy)

65 kg:

1.Sanjar Muhtar (Jambyl oblysy)

2. Rıfat Saıbotalov (Pavlodar oblysy)
3. Ilııas Amanjolov (Astana), Tımýr Aıtqulov (Qostanaı oblysy)

74 kg:

1. Darhan Esenǵalı (Shymkent)
2. Nurlan Bekjanov (Astana)
3. Qanat Musabekov (Qyzylorda oblysy), Murat Djakýpov (Aqmola oblysy)

86 kg:

1. Azamat Dáýletbekov (ShQO)
2. Maqsat Satybaldy (Shymkent)
3. Esqalı Dáýletqazy (Almaty oblysy), Meıir Kóshkinbaev (Abaı oblysy)

97 kg:

1.Bekzat Úrkimbaı (Astana)

2. Nursultan Azov (Aqmola oblysy)
3. Serik Baqythanov (Qaraǵandy oblysy), Mamed Ibragımov (Pavlodar oblysy)

Búgin erkin kúresten qalǵan 5 salmaqtaǵy balýandar kúsh synasady.

 

Shamken BAIYRBEK,

ALMATY

Foto: Mádenıet jáne sport mınıstrligi Sportty damytý dırekııasy