استانادا بيلياردتان جولداسبەك دۋاناباي اتىنداعى تۋرنير وتەدى

ەرتەڭ، 4 ناۋرىز كۇنى استانادا AIQYN، «ليتەر» جانە Turkistan گازەتتەرىنىڭ ۇيىمداستىرۋىمەن زيالى قاۋىم مەن باق قىزمەتكەرلەرى اراسىندا جولداسبەك دۋاناباي اتىنداعى ءداستۇرلى بيليارد ءتۋرنيرى وتەدى.

جولداسبەك دۋانابايدىڭ ەسىمى قالىڭ وقىرمانعا بەلگىلى. ول قازاق باسىلىمدارىنا ەلەۋلى ەڭبەك سىڭىرگەن بەلگىلى جۋرناليست، ب.بۇلقىشەۆ اتىنداعى سىيلىقتىڭ لاۋرەاتى، مادەنيەت قايراتكەرى بولعان.

تۋرنيرگە 50-دەن اسا ادام قاتىسادى. ولار ەكى سانات بويىنشا باق سىنايدى. ءار ساناتقا ءۇش باعالى جۇلدەدەن تاعايىندالعان. ودان بولەك، بەلسەندى قاتىسۋشىلارعا ارنايى سىيلىقتار بەرىلەدى.

ءتۋرنيردىڭ باس تورەشىسى – قر جوعارى ۇلتتىق دارەجەدەگى تورەشى نەسىپ ءجۇنىسباي ۇلى.

ءتۋرنيردىڭ وتەتىن ورنى: استانا قالاسى، قاجىمۇقان كوشەسى، 3-ءۇي، «زودياك» بيليارد كلۋبى.

باستالۋى: 09:00

داستان كەنجالين،

استانا