رەسەي ورتالىق ازيا چەمپيوناتىنا قاتىسۋدان باس تارتتى

رەسەي ۇلتتىق قۇراما كومانداسى ورتالىق ازيا فۋتبول قاۋىمداستىعىنىڭ چەمپيوناتىنا قاتىسۋدان باس تارتتى. بۇل تۋرالى championat.com حابارلادى.

رەسەي ۇلتتىق قۇراماسىنىڭ جاتتىقتىرۋشىلار كەڭەسى كەڭەسە وتىرىپ، ورتالىق ازيا چەمپيوناتىنا قاتىسۋدان باس تارتتى. سەبەبى، رەسەي چەمپيوناتىنداعى ماتچتار مەن ەل كۋبوگىنىڭ سۋپەرفينالى ورتالىق ازيا قاۋىمداستىعى ۇيىمداستىراتىن تۋرنيرمەن تۇسپا-تۇس كەلىپ وتىر. سول سەبەپتى، رەسەي جارىسقا قاتىسا المايدى، — دەلىنگەن رف فۋتبول وداعىنىنىڭ حابارلاماسىندا.

ورتالىق ازيا فۋتبول قاۋىمداستىعىنىڭ چەمپيوناتى (CAFA) تۇڭعىش رەت 9-21 ماۋسىم ارالىعىندا تاشكەنت پەن بىشكەكتە وتكىزىلەدى. وعان يران، وزبەكستان، قىرعىزستان، تۇركىمەنستان مەن اۋعانستان ەلدەرىنىڭ ۇلتتىق قۇرامالارى قاتىسادى.

CAFA ۇيىمى 2014 جىلى قۇرىلعان. وعان اۋعانستان، يران، قىرعىزستان، تاجىكستان، تۇرىكمەنستان جانە وزبەكستان فەدەراتسيالارى كىرەدى.

ءتۋرنيردىڭ ەرەجەسى بويىنشا سەگىز كوماندا ءتورت-تورتتەن ەكى توپقا ءبولىنىپ وينايدى. ءبىر توپتىڭ ويىندارى – تاشكەنتتە، ەكىنشىسىنىكى بىشكەكتە وتەدى. ورتالىق ازيا چەمپيوناتىنا رەسەيدىڭ «گازپروم» اكتسيونەرلىك قوعامى قارجىلاي كومەك كورسەتۋدى جوسپارلاپ وتىر.

توپتاردىڭ جەڭىمپازدارى فينالدا كەزدەسەدى. ال ءوز كۆارتەتىندە ەكىنشى بولعان كوماندالار قولا جۇلدەنى ءوزارا ساراپقا سالادى. بۇل ەكى فينالدىق ماتچ تا تاشكەنتتە بولادى.

داستان كەنجالين،

استانا