Boks: chempıonatta bir boksshymyz jarys jolynan shyǵyp qaldy (VIDEO)

О́zbekstannyń astanasynda erler arasynda ótip jatqan álem chempıonatynyń úshinshi kúninde bir qazaqstandyq jeńiliske ushyrady. Bul týraly rast.kz habarlady.

Búgin 54, 60, 67, 71 kelige deıingi salmaqtardaǵy atletter ózara kúsh synasty. Shaıqastar kúndizgi jáne keshki sessııalar bolyp, ekige bólinip ótkizildi.

Kúndizgi sessııa 14:00-17:00 saǵat aralyǵynda, keshki sessııa 18:00-21:30 saǵat aralyǵynda sharshy alańdy shaıqady.

Bizden 60 kelige deıingi salmaqtaǵy Talǵat Syrymbetov qana rıngke shyqty. Quramanyń debıýtanty, qaraǵandylyq boksshy munyń aldyndaǵy 1/32 fınaldyq irikteý aınalymynda taı Sakda Rýamthamdy 5:2 etip utqan bolatyn.

Budan aldyn habarlaǵanymyzdaı, Talǵat 1/16 fınaldyq kezeńde ıordanııalyq Mohammed Abý Djadjedpen judyryqtasty. Qarsylasy qazirgi Azııa chempıony ekenine qaramastan, bizdiń oǵlan jaman shaıqasqan joq. Ol birinshi raýndta shabýyldaýmen boldy. Degenmen, qaptaldaǵy tóreshilerdiń sheshimi ıordanııalyq jigittiń jaǵynda boldy. Ekinshi raýndta Talǵat qarqyndy biraz arttyrdy. Onyń nópirine shydamaı, qaıta-qaıta qushaqtaı bergen ıordanııalyq arbıtrdan eskertý aldy. Munyń da áseri bar shyǵar, qazaqstandyq bul joly basym bolyp shyqty. Sóıtip, úshinshi raýndty eki atlet birdeı múmkindikpen bastady. Munda Talǵat qarqynynan taıǵan joq. Alaıda tóreshiler Djadjedtiń ozyq bolǵanyn aıǵaqtady.

Erteń, 4 mamyrda 48, 63,5 kelige deıingi jáne 92 keliden aýyr salmaqtaǵy boksshylar 1/16 fınaldyq, al 51 kelige deıingi salmaqtaǵy sańlaqtar 1/32 fınaldyq jekpe-jekterin ótkizedi. Bizden eki boksshy sharshy alańǵa shyǵyp, 1/16 fınaldyq shaıqastaryn ótkizedi. Sonyń ishinde Sanatáli Tóltaev mavrıkıılik Rıcharno Kolın Lýıspen shaıqassa, 92 keliden aýyr salmaqtaǵy Qamshybek Qońqabaev reseılik Alekseı Drıýnovpen ustasady.

Kúndizgi sessııa – saǵat 13:00-16:30, keshki sessııa saǵat 18:00-21:15 aralyǵynda ótedi.

Sol ýaqyttarda Qazsport telearnasynan tikeleı efırde kórsetiledi.