SportPress.kz Qazaqstan sport jańalyqtary
«Astana» 33-týrda Oraldyń «Aqjaıyǵymen» kezdesip, 2:0 esebimen jeńiske jetti. Oıyndaǵy eki goldy da Jýnıor Kabananga saldy. Osylaısha «Astana» 79 upaı jınap, Qazaqstan Premer-lıgasynyń 2017 jylǵy jeńimpazy atandy.
Ekinshi orynǵa «Astanadan» bir upaıǵa kem jınaǵan Almatynyń «Qaıraty» jaıǵasty. Atap óterlik jaıt, «Astana» osymen fýtbol birinshiligin tórt ret qatarynan jeńip otyr.
«Aqtóbe» 2007, 2008 jáne 2009 jyldary úsh ret qatarynan chempıon bolyp, osyǵan deıingi rekordtyń avtory bolyp kelgen. Qatarynan eki jyl jeńimpaz atanǵan 4 klýb bar: «Elimaı» (1994, 1995), «Jeńis» (2000, 2001), «Ertis» (2002, 2003) jáne «Shahter» (2011, 2012).
Chempıondyq tıtýl boıynsha bes retten jeńimpaz atanǵan «Ertis» pen «Aqtóbe» birinshi orynda. Pavlodar klýby 1993, 1997, 1999, 2002 jáne 2003 jyldary, al Aqtóbe 2005, 2007, 2008, 2009 jáne 2013 jyldary «altyn» ıelengen.
Chempıondyq tıtýl boıynsha «Astana» úshinshi orynda. Klýb tórt «altynmen» qatar, eki ret «kúmis» medal (2009 jáne 2013) ıelengen. Birinshi orynda Ertis (5+4+6), al ekinshi orynda «Aqtóbe» (5+3+3).
Bir qyzyǵy, osy birinshilikte «Qaırat» ta rekord ornatty. Ol Qazaqstan Premer-lıgasy tarıhynda úsh ret qatarynan ekinshi oryn ıelengen alǵashqy klýb atandy. Oǵan deıin eki maýsym qatarynan «kúmis» alǵan úsh klýb bolǵan: «Qyzyljar SK» (1999, 2000), «Atyraý» (2001, 2002) jáne «Tobyl» (2007, 2008).
