Dýlat Bekbaýov — bokstan álem chempıonatynyń kúmis júldegeri! (VIDEO)

О́zbekstannyń astanasy — Tashkent qalasynda ótip jatqan álem chempıonatynda 67 kg salmaqtaǵy bylǵary qolǵap sheberimiz Dýlat Bekbaýov kúmis júldege ıe boldy.

Qazaq boksshysy óz salmaǵynda О́zbekstannyń sportshysy Asadhýdja Mýıdınhýdjıevpen kúsh synasty. Osyǵan deıin qarsylastar ózara bir ret kezdesip, onda Dýlat jeńgen bolatyn.

Bul joly alǵashqy raýndta qaptaldaǵy tóreshilerdiń sheshimimen ózbekstandyq boksshynyń soqqylary dálirek tıdi – 5:0. Ekinshi raýndta bes tóreshiniń tórteýi Asadhýdja Mýıdınhýdjıevke basymdyq berdi. Úshinshi raýndta Dýlat Bekbaýov alǵa umtylǵanymen, tıisti upaılar jınaı almady. Qorytyndy esep – 5:0, ózbekstandyq sportshynyń paıdasyna sheshildi.

Buǵan deıin Sanjar Táshkenbaı álem chempıony atanǵanyn habarlaǵan bolatynbyz.

Dastan KENJALIN,

ASTANA

 

View this post on Instagram

 

A post shared by Kazakhstan Boxing Federation (@boxingkazakhstan)