دۋلات بەكباۋوۆ — بوكستان الەم چەمپيوناتىنىڭ كۇمىس جۇلدەگەرى! (ۆيدەو)

وزبەكستاننىڭ استاناسى — تاشكەنت قالاسىندا ءوتىپ جاتقان الەم چەمپيوناتىندا 67 كگ سالماقتاعى بىلعارى قولعاپ شەبەرىمىز دۋلات بەكباۋوۆ كۇمىس جۇلدەگە يە بولدى.

قازاق بوكسشىسى ءوز سالماعىندا وزبەكستاننىڭ سپورتشىسى اسادحۋدجا مۋيدينحۋدجيەۆپەن كۇش سىناستى. وسىعان دەيىن قارسىلاستار ءوزارا ءبىر رەت كەزدەسىپ، وندا دۋلات جەڭگەن بولاتىن.

بۇل جولى العاشقى راۋندتا قاپتالداعى تورەشىلەردىڭ شەشىمىمەن وزبەكستاندىق بوكسشىنىڭ سوققىلارى دالىرەك ءتيدى – 5:0. ەكىنشى راۋندتا بەس تورەشىنىڭ تورتەۋى اسادحۋدجا مۋيدينحۋدجيەۆكە باسىمدىق بەردى. ءۇشىنشى راۋندتا دۋلات بەكباۋوۆ العا ۇمتىلعانىمەن، ءتيىستى ۇپايلار جيناي المادى. قورىتىندى ەسەپ – 5:0، وزبەكستاندىق سپورتشىنىڭ پايداسىنا شەشىلدى.

بۇعان دەيىن سانجار تاشكەنباي الەم چەمپيونى اتانعانىن حابارلاعان بولاتىنبىز.

داستان كەنجالين،

استانا

 

View this post on Instagram

 

A post shared by Kazakhstan Boxing Federation (@boxingkazakhstan)