Grek-rım kúresi: Marlan Muqashev reıtıngtik týrnırde top jardy

Búgin Qyrǵyz Respýblıkasynyń astanasy — Bishkekte Qojamqul Qabauly men Ratbek Sanatbaev atyndaǵy kúresten reıtıngtik týrnır bastaldy, dep habarlady Mádenıet jáne sport mınıstrligi Sportty damytý dırekııasynyń baspasóz qyzmeti.

Ulttyq qurama sportshylary dodanyń alǵashqy kúni 1 altyn, 1 kúmis, 3 qola medal jeńip aldy.

Grek-rım kúresinen 55 kg deıingi salmaqta VI jazǵy Spartakıadanyń jeńimpazy Marlan Muqashev fınalda ózbekstandyq Ihtıor Botırovty utyp (4:2), jeńimpaz atandy.

Osy salmaqta qola medal úshin talasta taǵy bir otandasymyz Ersin Abyıyr úndistandyq balýannan jeńildi. Al Amanǵalı Bekbolatov taǵy bir ózbekstandyq Jasýrbek Ortıkboevtan aılasyn asyryp, qola júldege ıe boldy.

Osydan keıin Nursultan Bazarbaev (60 kg) fınalda ózbekstandyq Islomjon Bahramovtan utylyp, týrnırdiń kúmis júldesin qanaǵat tutty. Al Ernar Fıdahmetov qyrǵyz balýany Balbaı Dordokovty jeńip, úshinshi oryndy ıelendi.

87 kg deıingi salmaqta Nursultan Tursynov qola medal aldy. Azamat Qustýbaev túrkııalyq Álı Chıngızge ese jiberdi.

Bul týrnır 4 maýsymda aıaqtalady.

Shamken BAIYRBEK,

ASTANA