Qazaq shabandozy Franııada qatarynan eki bas júldeni jeńip aldy

Qazaq shabandozy Baýyrjan Murzabaev bedeldi «Katar Prı» at jarysyna qatysyp, eki ret bas júlde ıelendi. Bul týraly «Habar 24» telearnasy habarlady.

Saıys Franııanyń soltústigindegi Shantııı qalasynda ótti. Baýyrjandy Franııaǵa ataqty jattyqtyrýshy Andre Fabre shaqyrǵan.

Otandasymyzdyń sheberligi Eýropaǵa tanys bolǵanmen, Franııanyń atsúıer qaýymy arasynda asa tanymal emes. Biraq soǵan qaramastan Fabre Baýyrjandy óziniń basty shabandozy etip taǵaıyndaǵan. Qandasymyz bapkerdiń artqan úmitin aqtady.

Shabandoz Shantıııde 6 báıgege qatysyp, onyń sáıgúligi eki ret márege birinshi bolyp keldi. Endi birneshe aptadan keıin otandasymyz «Parıj Gran prıinde» baq synap kórmek.

«Franııa at sporty salasynda Eýropadaǵy eń úzdik el sanalady. Meniń mansabym Chehııada bastalǵan. Sodan keıin Germanııada boldym. Endi mine, Franııaǵa kelip, eńbek etip jatyrmyn. Buǵan deıin jumys istegen elderimde chempıon boldym. Franııada da 2-3 jyl ishinde osy bıik beleske jetýdi maqsat etip otyrmyn», — dedi Baýyrjan Murzabaev.

Erkeǵalı BEISENOV,

ASTANA