ءبىز تۋرالى

سايت 2017 جىلعى 26 ماۋسىم كۇنى قازاقستان رەسپۋبليكاسى اقپارات جانە كوممۋنيكاتسيالار مينيسترلىگى بايلانىس، اقپاراتتاندىرۋ جانە بۇقارالىق اقپارات قۇرالدارى سالاسىنداعى مەملەكەتتىك باقىلاۋ كوميتەتىندە №16588 ەسەپكە الىنىپ، جەلىلىك باسىلىم رەتىندە تىركەۋدەن ءوتتى.

سايتتىڭ نەگىزگى تاقىرىپتىق باعىتى – اقپاراتتىق ماتەريالدار جاريالاۋ.

مەملەكەتتىك تىلدە جانە ورىس تىلىندە جاريالاناتىن اقىلى ماتەريالدىڭ باعاسى – 50 000 تەڭگە.

جەلىلىك باسىلىمنىڭ مەنشىك يەسى: جك «Sportpress.kz».

العى ءسوز

مىنە، قۇرمەتتى وقىرمان قاۋىم ەلىمىزدىڭ اقپارات كەڭىستىگى تاعى ءبىر سپورت سايتىمەن تولىقتى. ول نازارلارىڭىزعا ۇسىنىلىپ وتىرعان www.sportpress.kz سايتى.

بۇل سايت مەملەكەتتىك جانە ورىس تىلدەرىندە تاۋلىك بويى شىعىپ،  كۇن سايىن قىزىقتى دۇنيەلەرمەن تولىعىپ وتىراتىن بولادى.

قازىر جەر-جۇزىندە حالىقتى كوپ قىزىقتىراتىن نارسەنىڭ ءبىرى سپورتتىق جارىستار مەن ونىڭ اينالاسىندا بولىپ جاتقان وقيعالار. ويتكەنى، سپورت كىم-كىمگە بولسىن قىزىق. وندا بۇكىل ەلدىڭ نامىسى سىنعا ءتۇسىپ جاتادى.

ءبىز دە بالا كەزىمىزدە سپورت دەگەن سيقىرلى الەمگە قىزىعىپ، سونىڭ بۋىمەن جارىستارعا قاتىسىپ، كەيىن قولىمىزعا قالام الىپ وستىك. ەندى مىنە، ءوزىمىز باسقا ازاماتتاردى دا سپورتقا قىزىقتىرىپ، وتانداستارىمىزدىڭ جارىس جولىنداعى جەڭىستەرىن ناسيحاتتاۋ ءۇشىن جاڭادان www.sportpress.kz جەلىلىك باسىلىمىن اشىپ وتىرمىز. سايت 2017 جىلدىڭ 26 ماۋسىم كۇنى قازاقستان رەسپۋبليكاسى اقپارات جانە كوممۋنيكاتسيالار مينيسترلىگى بايلانىس، اقپاراتتاندىرۋ جانە بۇقارالىق اقپارات قۇرالدارى سالاسىنداعى مەملەكەتتىك باقىلاۋ كوميتەتىندە ەسەپكە الىنىپ، جەلىلىك باسىلىم رەتىندە تىركەۋدەن ءوتتى.

بۇل سايت سپورت دەسە ىشكەن اسىن جەرگە قوياتىن، سونى سەرىك ەتكەن بارشا ازاماتتارعا ارنالعان. حالقىمىز «دەنى ساۋدىڭ – جانى ساۋ» دەگەن. ال سپورت پەن سالاماتتى ءومىر دەگەنىمىز دەنساۋلىقتىڭ كەپىلى. جالپى، قازىر عانا ەمەس، اتا-بابالارىمىز ەستە جوق ەرتە زاماننان بەرى ادامنىڭ شىمىر دا شىدامدى، جىگەرلى دە جيناقى بولۋىنا قاتتى ءمان بەرىپ، وسكەلەڭ ۇرپاقتىڭ دەنساۋلىعىن ويلاپ وتىرعان. سونىڭ ناتيجەسىندە ەل ىشىنەن اقىلدى، العىر، تاباندى بالالار ءوسىپ،  ەر جەتكەندە نامىستى قولدان بەرمەيتىن پالۋان، حالقىنىڭ قامىن ويلايتىن پاراساتتى باسشى، ەلىن جاۋدان بىلەكتىڭ كۇشىمەن، نايزانىڭ ۇشىمەن قورعايتىن باتىر اتانعان.

ال قازىر زامان باسقا. قازىرگى «بوزتورعاي جۇمىرتقالاعان زاماندا» ەل نامىسى جارىس الاڭىندا سىنالادى. كەزىندە ءبىزدىڭ اتا-بابالارىمىز وسى زاماندى ارمانداپ وتكەن. ولاردىڭ ارمانى، ماقساتى – ەلىمىزدىڭ تاۋەلسىزدىگى بولاتىن. ەندى مىنە، سول تاۋەلسىزدىككە ەلىمىز تارام-تارام ۇرپاق ارقىلى جەتىپ، قازىر حالقىمىز كۇللى الەم الدىندا كوك بايراعىمىزدى كوككە كوتەرىپ، ءانۇرانىمىزدى شىرقاتا الادى. ال شەتەلدە ەلىمىزدىڭ كوك تۋى مەن ءانۇرانى ەكى جاعدايدا عانا كوتەرىلىپ، وينالاتىنىن بىلەمىز. سونىڭ ءبىرى ەلباسىنىڭ ساپارىنا،  ەكىنشىسى سپورت جارىستارىندا وتانداستارىمىزدىڭ جەڭىسىنىڭ قۇرمەتىنە ارنالاتىنى بەلگىلى.

سول سەبەپتى حالىق اراسىندا سپورت دوستىق ەلشىسى دەپ سانالادى.

قۇرمەتتى وقىرمان! ءبىزدىڭ www.sportpress.kz سايتىن اشۋداعى ماقساتىمىز دا وسى ماسەلەگە ارنالعان. ياعني، حالىق اراسىندا سالاماتتى ءومىر سالتىن ناسيحاتتاپ، بارشا ازاماتتاردى سپورتقا تارتۋ، دۇرمەكتى الەمدىك دودالاردا تۋعان ەلىمىزدىڭ كوك تۋىن كوككە كوتەرىپ، نامىسىمىزدى قورعاپ جۇرگەن ۇل-قىزدارىمىزدىڭ جەڭىستەرىن اقپاراتتىق جاعىنان قولداۋ.

قۇرمەتپەن، www.sportpress.kz اقپاراتتىق-ساراپتامالىق سپورت سايتىنىڭ باس رەداكتورى داستان كەنجالين