Biz týraly

Saıt 2017 jylǵy 26 maýsym kúni Qazaqstan Respýblıkasy Aqparat jáne kommýnıkaııalar mınıstrligi Baılanys, aqparattandyrý jáne buqaralyq aqparat quraldary salasyndaǵy memlekettik baqylaý komıtetinde №16588 esepke alynyp, jelilik basylym retinde tirkeýden ótti.

Saıttyń negizgi taqyryptyq baǵyty – aqparattyq materıaldar jarııalaý.

Memlekettik tilde jáne orys tilinde jarııalanatyn aqyly materıaldyń baǵasy – 50 000 teńge.

Jelilik basylymnyń menshik ıesi: JK «Sportpress.kz».

Alǵy sóz

Mine, qurmetti oqyrman qaýym elimizdiń aqparat keńistigi taǵy bir sport saıtymen tolyqty. Ol nazarlaryńyzǵa usynylyp otyrǵan www.sportpress.kz saıty.

Bul saıt memlekettik jáne orys tilderinde táýlik boıy shyǵyp,  kún saıyn qyzyqty dúnıelermen tolyǵyp otyratyn bolady.

Qazir jer-júzinde halyqty kóp qyzyqtyratyn nárseniń biri sporttyq jarystar men onyń aınalasynda bolyp jatqan oqıǵalar. О́ıtkeni, sport kim-kimge bolsyn qyzyq. Onda búkil eldiń namysy synǵa túsip jatady.

Biz de bala kezimizde sport degen sıqyrly álemge qyzyǵyp, sonyń býymen jarystarǵa qatysyp, keıin qolymyzǵa qalam alyp óstik. Endi mine, ózimiz basqa azamattardy da sportqa qyzyqtyryp, otandastarymyzdyń jarys jolyndaǵy jeńisterin nasıhattaý úshin jańadan www.sportpress.kz jelilik basylymyn ashyp otyrmyz. Saıt 2017 jyldyń 26 maýsym kúni Qazaqstan Respýblıkasy Aqparat jáne kommýnıkaııalar mınıstrligi Baılanys, aqparattandyrý jáne buqaralyq aqparat quraldary salasyndaǵy memlekettik baqylaý komıtetinde esepke alynyp, jelilik basylym retinde tirkeýden ótti.

Bul saıt sport dese ishken asyn jerge qoıatyn, sony serik etken barsha azamattarǵa arnalǵan. Halqymyz «Deni saýdyń – jany saý» degen. Al sport pen salamatty ómir degenimiz densaýlyqtyń kepili. Jalpy, qazir ǵana emes, ata-babalarymyz este joq erte zamannan beri adamnyń shymyr da shydamdy, jigerli de jınaqy bolýyna qatty mán berip, óskeleń urpaqtyń densaýlyǵyn oılap otyrǵan. Sonyń nátıjesinde el ishinen aqyldy, alǵyr, tabandy balalar ósip,  er jetkende namysty qoldan bermeıtin palýan, halqynyń qamyn oılaıtyn parasatty basshy, elin jaýdan bilektiń kúshimen, naızanyń ushymen qorǵaıtyn batyr atanǵan.

Al qazir zaman basqa. Qazirgi «boztorǵaı jumyrtqalaǵan zamanda» el namysy jarys alańynda synalady. Kezinde bizdiń ata-babalarymyz osy zamandy armandap ótken. Olardyń armany, maqsaty – elimizdiń táýelsizdigi bolatyn. Endi mine, sol táýelsizdikke elimiz taram-taram urpaq arqyly jetip, qazir halqymyz kúlli álem aldynda kók baıraǵymyzdy kókke kóterip, ánuranymyzdy shyrqata alady. Al shetelde elimizdiń kók týy men ánurany eki jaǵdaıda ǵana kóterilip, oınalatynyn bilemiz. Sonyń biri Elbasynyń saparyna,  ekinshisi sport jarystarynda otandastarymyzdyń jeńisiniń qurmetine arnalatyny belgili.

Sol sebepti halyq arasynda sport dostyq elshisi dep sanalady.

Qurmetti oqyrman! Bizdiń www.sportpress.kz saıtyn ashýdaǵy maqsatymyz da osy máselege arnalǵan. Iaǵnı, halyq arasynda salamatty ómir saltyn nasıhattap, barsha azamattardy sportqa tartý, dúrmekti álemdik dodalarda týǵan elimizdiń kók týyn kókke kóterip, namysymyzdy qorǵap júrgen ul-qyzdarymyzdyń jeńisterin aqparattyq jaǵynan qoldaý.

Qurmetpen, www.sportpress.kz aqparattyq-saraptamalyq sport saıtynyń bas redaktory Dastan KENJALIN