Qazaqstan men Reseı hokkeıshileri tóbelesti (VIDEO)

Sankt-Peterbýrg qalasynda hokkeıden Qazaqstan men Reseı quramalarynyń oıynshylary Beıbarys Orazov pen Andreı Matıýshınmen jaǵa ustasyp,  tóbelesip qaldy.

Bul matchta 20 jasqa deıingi Qazaqstan quramasy Reseıdiń 18 jasqa deıingi komandasynan úlken eseppen jeńildi. Oıyn aıaqtalar kezde Orazov Matıýshınmen shekisip, ony soqynyń astyna aldy.

Jalpy, hokkeıde tóbelester jıi bolyp turady. Hokkeı tarıhyndaǵy eń iri tóbeles 1987 jyly KSRO men Kanada jastar quramalary arasyndaǵy matchta bolǵan. Bul matchta 4:2 esebimen Kanada quramasy alǵa shyqqanda oıynnyń ekinshi kezeńinde Kanadanyń qorǵaýshysy Teo Flerı KSRO shabýylshysy Valerıı Zelepýkındi arqasynan bir uryp, urys-keristi bastap ketken.  Sonyń kesirinen qos quramanyń oıynshylary top-topqa bólinip, bir-birine judyryq ala júgirgen.

Qosalqy quramdaǵy oıynshylar qataryndaǵy Keńes Odaǵy quramasynyń tórt oıynshysy da oryndaryn turyp, tóbeleske qosyldy. Kóp keshikpeı muz aıdynyna eki kuramanyń da qosalqy quramyndaǵy oıynshylary shyǵyp, jaǵdaıdy ýshyqtyryp jiberdi. Eki quramany tártipke shaqyrý áreketteri eshteńe ákelmegendikten, arenada jaryq óshirilgen. Eki eldiń hokkeıshilerin tártipke shaqyra almaǵan norvegııalyq tóreshi Hans Ronıng pen eki laınsmen muz aıdynynan ketip qaldy. Aqyrynda eki komanda oıynshylary 18 aıǵa, al eki jattyqtyrýshy 3 jylǵa oıynnan alystatyldy.

Dastan KENJALIN,

ASTANA