Shavkat Rahmonov jeńe almaıtyn jalǵyz faıterdi aıtty

Aralas jekpe-jek sheberi Shavkat Rahmonov UFC 296 týrnırindegi jeńisinen keıin birneshe málimdeme jasap úlgerdi.

Jekpe-jekten keıingi baspasóz máslıhaty men odan keıin de bolǵan suhbattarda ol BAQ ókilderi qyzyǵa, jarysa jazatyn oılaryn aıtyp, málimdeme jasady.

Odan suhbattyń bárinde amerıkalyq jýrnalıster: «Endi kimdi jeńýge bolady? Kimmen jekpe-jek qıyn?» dep suraǵan. Ol suraqtarǵa Shavkat Rahmonov esh oılanbastan Ngannýmen jekpe-jektiń ońaı bolmaıtynyn aıtyp, ony jeńe almaıtynyn moıyndady.

Ýsmandy jeńemin. Edvardsqa da tize búktiremin. Chımaevty jeńýge bolady. Mahachevti de solaı. Ony jeńe alamyn. Ngannýdy jeńý qıyn. Fıýrıdi de jeńe alamyn. Eger ol MMA erejesimen oktagonǵa shyqsa, árıne, jeńisti julyp áketemin. Maık Taıson maǵan sonshalyqty myqty qarsylas emes. Ony da qulatamyn, – dedi Rahmonov shaǵyn suhbatynda.

40 jastaǵy amerıkalyq sportshy Stıven Tompson búginge deıin óziniń sporttyq mansabynda 24 ret oktagonǵa shyǵyp, 17 ret  jeńiske jetken. Al Shavqat Rahmonovtyń júrip ótken joly jankúıerlerdiń kóz aldynda. 29 jastaǵy otandasymyz 2014 jyldan beri aralas jekpe-jekpen aınalysyp keledi. Osy ýaqyt aralyǵynda 17 ret aıqas alańyna shyǵyp, barlyq jekpe-jekti aıqyn basymdyqpen jeńdi. 8 qarsylasyna merziminen buryn tize búktirdi. Bul – Rahmonovtyń 18-jeńisi.

Frensıs Nganný – UFC-diń qazirgi aýyr salmaqtaǵy chempıony. Jaqynda ol da málimdeme jasap, kelesi jyldyń 22 qańtarynan bastap UFC-diń kelisimshartymen jekpe-jekke shyqpaıtynyn, óıtkeni jekpe-jekke az aqsha tólenetinin jasyrmady.

Qazir Shavkat Rahmonov UFC reıtınginde úshinshi orynda tur. Úshtiń ózi – kúsh!

Dastan KENJALIN,

ASTANA