راقىمجان ەردەنبەكوۆ كاسىپقوي بوكس فەدەراتسياسىنىڭ پرەزيدەنتى بولدى (فوتو)

راقىمجان ەردەنبەكوۆ قازاقستان كاسىپقوي بوكس فەدەراتسياسىنىڭ پرەزيدەنتى بولىپ سايلاندى، دەپ حابارلادى ۇيىمنىڭ ءباسپاسوز قىزمەتى.

الماتى قالاسىندا قازاقستان كاسىپقوي بوكس فەدەراتسياسىنىڭ (قكبف) 8-ءشى ەسەپ بەرۋ-سايلاۋ كونفەرەنتسياسى ءوتتى.

ءىس-شارادا بۇعان دەيىن فەدەراتسيانى باسقارعان ۆيكتور دەميانەنكو ەندى پرەزيدەنتتىڭ كەڭەسشىسى قىزمەتىن اتقاراتىن بولىپ شەشىلدى.

سونداي-اق، قازاقستان كاسىپقوي بوكس فەدەراتسياسىنىڭ ۆيتسە-پرەزيدەنتى قىزمەتىنە سۋرەن تونويان مەن دانيار جىلقىباەۆ سايلاندى.

قازاقستان كاسىپقوي بوكس فەدەراتسيا كوميسسياسىنىڭ قۇرامى دا وزگەردى. اتقارۋ كوميتەتىنىڭ مۇشەسى سۇلتان ساتباەۆ سوت كوميسسياسىنىڭ توراعاسى بولدى. زاڭ كوميسسياسىنىڭ جانە اتقارۋ كوميتەتىنىڭ مۇشەسى بولىپ باقىتبەك بەگاليەۆ سايلاندى.

سونداي-اق، ەسەپ بەرۋ-سايلاۋ كونفەرەنتسياسىندا بيىل تولىقتاي ىسكە قوسىلاتىن Green Belt WBC Amateur Kazakhstan سەرپىندى جوباسىنىڭ جەتىستىگى ەرەكشە اتالىپ ءوتتى. سونىمەن قاتار 2020-2023 جىلدار ارالىعىنداعى اتقارىلعان جۇمىستار تۋرالى ەسەپ جاريالانىپ، الداعى ءۇش جىلعا فەدەراتسيانىڭ ستراتەگيالىق دامىتۋ جوسپارلارى تالقىلاندى.