V Dúnıejúzilik kóshpendiler oıyndarynyń tızeri jarııalandy (VIDEO)

V Dúnıejúzilik kóshpendiler oıyndarynyń tızeri jarııalandy. Bul jarys 8-14 qyrkúıek aralyǵynda Astana qalasynda bolady, dep habarlady halyq-uni.kz.

Kóshpendiler oıyndaryna 100-den astam memleketten 4000-ǵa jýyq sportshy qatysyp, Astanaǵa 100 myńnan astam týrıst keledi.

At sporty, ulttyq kúres túrleri, sadaq atý, jamby atý, dástúrli ıntellektýaldy oıyndar, saıatshylyq óner, arqan tartý syndy oıynnyń 20 túrinen jarys jáne ulttyq ónerdiń 10 túrinen arnaıy kórsetilim saıysy ótedi.

V Dúnıejúzilik kóshpendiler oıyndarynyń ashylý saltanaty «Astana-Arena» stadıonynda, jabylýy 10 myń adamdyq «Qazanat» ıppodromynda ótedi dep josparlanǵan.

«Qazanat» ıppodromy aýmaǵynda «Kóshpendiler álemi» etnoaýyly qurylady.

Bir kúnde 30 myń kelýshini qabyldaıtyn etnoaýylda Qazaqstan men álem elderiniń úzdik qolóner sheberleriniń kórme-jármeńkesi, sheberlik sabaqtary, aqyndar aıtysy men tól mádenıetimizdi pash etetin qosymsha is-sharalar uıymdastyrylady.

V Dúnıejúzilik kóshpendiler oıyndarynyń urany — «ULY DALA DÚBIRI».

 

View this post on Instagram

 

A post shared by HALYQ UNI aqparat portaly (@halyquni.media)