SportPress.kz قازاقستان سپورت جاڭالىقتارى
مەملەكەت باسشىسى قاسىم-جومارت توقاەۆتىڭ الماتى قالاسىنا جۇمىس ساپارى Footlab فۋتبول ورتالىعىنىڭ قىزمەتىمەن تانىسۋدان باستالدى، دەپ حابارلادى اقوردا.
پرەزيدەنتكە جاڭا ورتالىقتىڭ سەرپىندى رەجيمدە جۇمىس ىستەي باستاعانى تۋرالى مالىمەت بەرىلدى. مۇندا قازىر جوعارى بىلىكتى 8 جاتتىقتىرۋشى 50 بالانى جاتتىقتىرىپ جاتىر. Smart Football جاۋاپكەرشىلىگى شەكتەۋلى سەرىكتەستىگىنىڭ قۇرىلتايشىسى مۇرات مەدەۋوۆتىڭ ايتۋىنشا، فۋتبول اكادەمياسىندا 5 جاستان 12 جاسقا دەيىنگى 1 000-عا جۋىق بالانى جاتتىقتىرۋ جوسپارلانعان.
Footlab – سپورتسۇيەر قاۋىمعا، وتباسىلىق دەمالىسقا، بالالار مەن ەرەسەكتەر اراسىندا تۋرنيرلەر وتكىزۋگە ارنالعان ينتەراكتيۆتى فۋتبول الاڭى.
الماتىداعى Footlab ورتالىعى پورتۋگاليانىڭ فرانشيزاسىن العان. ونىڭ باس كەڭسەسى ليسسابوندا ورنالاسقان. بۇل جوبانى تانىمال پورتۋگال فۋتبولشىلارى رۋي كوشتا مەن كريشتيانۋ رونالدۋ 7EGEND يننوۆاتسيالىق كومپانياسىمەن بىرىگىپ جاساعان. بۇگىندە Footlab فرانشيزاسى الەمنىڭ 60-تان استام ەلىنە ساتىلعان. بۇل ورتالىق ليسسابون مەن دۋبايدان كەيىن ءۇشىنشى بولىپ، الماتىدا اشىلدى. جوباعا 1،5 ملرد تەڭگەدەن استام جەكە ينۆەستيتسيا سالىنعان.
ورتالىقتىڭ بيىل 50 مىڭنان استام ادام قابىلداۋ، سونداي-اق سپورت پەن سالاۋاتتى ءومىر سالتىن ناسيحاتتاۋ ءۇشىن الماتى قالاسىنىڭ وقۋشىلارى اراسىندا تۋرنير وتكىزۋ جوسپارى بار. ينۆەستورلار ەلىمىزدىڭ بارلىق وڭىرىندە وسىنداي ورتالىقتار جەلىسىن اشۋدى كوزدەپ وتىر.
پرەزيدەنت بالالارعا ارنالعان سپورت جوباسىن دامىتۋ ءۇشىن جاۋاپتى ورگاندارعا جەر تەلىمىن ءبولۋ ماسەلەسىندە جاردەم كورسەتۋدى تاپسىردى جانە استانادا وسىنداي فۋتبول ورتالىعىن سالۋ تۋرالى باستامانى قولدادى.
قاسىم-جومارت توقاەۆ جاس فۋتبولشىلارعا تابىس تىلەپ، سپورت جەيدەسىنە قولتاڭباسىن قالدىردى.
