پارا سپورتشىلار مىسىردا ۇستەل تەننيسىنەن ەكى مەدال جەڭىپ الدى

مىسىر ەلىندە پارا ۇستەل تەننيسىنەن وتكەن Fa40 اشىق چەمپيوناتىندا ەلىمىزدىڭ سپورتشىلارى 1 كۇمىس جانە 1 قولا مەدال جەڭىپ الدى، دەپ حابارلادى تۋريزم جانە سپورت مينيسترلىگى.

جارىستا ارالاس جۇپ رازريادىندا ونەر كورسەتكەن تالعات ەرەكەەۆ پەن التىناي ەرجانقىزى كۇمىس مەدالدى يەلەندى. ال، جۇپتىق رازريادتاعى باسەكەدە الي ماحۋلبەكوۆ پەن تالعات ەرەكەەۆ قولا جۇلدەنى قاناعانت تۇتتى.

Fa40 اشىق چەمپيوناتى پاراليمپيادا ويىندارىنا قاتىسۋ ءۇشىن رەيتينگتىك جارىستاردىڭ ءبىرى بولىپ كەلەدى. ءبىزدىڭ سپورتشىلارىمىز ءاردايىم ءوز شەبەرلىگىن شىڭداپ، كورسەتكىشتەرىن جاڭارتىپ وتىرۋ كەرەك. پارا ۇستەل تەننيسىندە رەيتينگتەرگە ۇپايلار  Fa20 جانە Fa40 جارىستارىندا بەرىلەدى. Fا40-تىڭ ەرەكشەلىگى، رەيتينگكە جوعارى ۇپايلار بەرىلەدى. جارىسقا تەك Fa20-دا ونەر كورسەتكەن سپورتشىلار عانا قاتىسا الادى. جالپى، ءبىر جىلدا Fa40 جارىستارى بەس رەت وتسە، Fa20 شامامەن 20-25 رەت بولادى.

جۋىردا ناۋرىز ايىندا استانادا تۇڭعىش رەت رەيتينگتىك  Fا20 اشىق چەمپيوناتى  وتەتىن بولادى. وعان 14 مەملەكەتتەن 135 سپورتشى قاتىسۋى جوسپارلانۋدا، — دەدى دەنە مۇمكىندىكتەرى شەكتەۋلى تۇلعالارعا ارنالعان سپورتتىق دايارلاۋ ورتالىعىنىڭ پارا ۇستەل تەننيسىنەن كوماندا باسشىسى ەرلان دۋسمايلوۆ.

Fa40 چەمپيوناتى 23-28 قاڭتار ارالىعىندا گيزا قالاسىندا ءوتتى. جارىسقا 27 ەلدەن 190 سپورتشى قاتىستى.