Дэвис кубогы: Қазақстан енді Даниямен ойнайды

Теннистен Дэвис кубогының бірінші әлемдік тобы матчтарының жеребесі тартылды. Елімізідң ерлер құрамасы  өз алаңында Дания командасымен ойнайтын болып шешілді.

Бұған дейін командалар бір-бірімен кездеспеген.

Матч 13-14 немесе 14-15 қыркүйекте болады. Қазақстан құрамасы Дания командасын жеңген жағдайда  2025 жылы ақпанда командалық іріктеу матчында сынға түседі.

Биыл Юрий Щукин жаттықтыратын еліміздің бас командасы 3-4 ақпанда тартысты матчта Аргентинаға 2:3 есебімен есе жіберген еді.

Дастан КЕНЖАЛИН,

АСТАНА