ەرتەڭ فۋتبولدان قازاقستان چەمپيوناتى باستالادى

ەرتەڭ فۋتبولدان قازاقستان چەمپيوناتى باستالادى. پرەمەر-ليگانىڭ بيىلعى ماۋسىمىنا 13 وڭىردەن 14 كلۋب قاتىسادى. ولار — «اقسۋ»، «اقتوبە»، «استانا»، «اتىراۋ»، «ەلىماي»، «جەڭىس»، «جەتىسۋ»، «قايرات»، «قايسار»، «قىزىلجار»، «ورداباسى»، «توبىل»، «تۇران» جانە «شاحتەر».

قازاقستان چەمپيوناتى 1 ناۋرىز بەن 10 قاراشا ارالىعىندا بوالدى. ماچتاردىڭ كوبى ءداستۇرلى تۇردە دەمالىس كۇندەرگە جوسپارلانعان.

ماۋسىمنىڭ العاشقى ويىنى ەلىمىزدىڭ جەتى دۇركىن چەمپيونى «استانا» مەن 16 جىلدان كەيىن پرەمەر-ليگاعا ورالعان «جەڭىس» اراسىندا بولادى. ءسويتىپ، چەمپيوناتتىڭ العاشقى ويىنى استانالىق دەربيىمەن اشىلادى. سونىمەن بىرگە ءبىرىنشى تۋردا ەل چەمپيونى «ورداباسى» ءوز الاڭىندا قاراعاندىنىڭ«شاحتەر» كلۋبىمەن كەزدەسەدى.

بىلتىر قازان ايىندا شىمكەنتتىڭ كومانداسى ءوز الاڭىندا كەنشىلەر قالاسىنىڭ كومانداسىن جەڭىپ، تۇڭعىش رەت ەل چەمپيونى اتاعىن جەڭىپ العان ەدى.

پرەمەر-ليگانىڭ ماتچتارىن Qazsport، Qsport پەن جاڭا اشىلعان Qfootball تەلەارنالارى تىكەلەي ەفيردە كورسەتەدى. ازىرشە العاشقى التى تۋرداعى ويىنداردىڭ باستالۋ ۋاقىتى بەلگىلى، ال قالعان تۋرلارداعى ماتچتاردىڭ باستالۋ ۋاقىتى تۋرالى اقپارات كەيىنىرەك جاريالانادى.

ەسكە سالا كەتسەك، 1 ناۋرىزدان باستاپ ەلىمىزدە بىرىڭعاي ۋاقىت بەلگىلەنەدى. ويىنداردىڭ تولىق كۇنتىزبەسىن Telegram-ارناسىندا نەمەسە qfl.kz سايتىنان كورۋگە بولادى.

داستان كەنجالين،

استانا