Erteń fýtboldan Qazaqstan chempıonaty bastalady

Erteń fýtboldan Qazaqstan chempıonaty bastalady. Premer-lıganyń bıylǵy maýsymyna 13 óńirden 14 klýb qatysady. Olar — «Aqsý», «Aqtóbe», «Astana», «Atyraý», «Elimaı», «Jeńis», «Jetisý», «Qaırat», «Qaısar», «Qyzyljar», «Ordabasy», «Tobyl», «Turan» jáne «Shahter».

Qazaqstan chempıonaty 1 naýryz ben 10 qarasha aralyǵynda boaldy. Machtardyń kóbi dástúrli túrde demalys kúnderge josparlanǵan.

Maýsymnyń alǵashqy oıyny elimizdiń jeti dúrkin chempıony «Astana» men 16 jyldan keıin Premer-lıgaǵa oralǵan «Jeńis» arasynda bolady. Sóıtip, chempıonattyń alǵashqy oıyny astanalyq derbıimen ashylady. Sonymen birge birinshi týrda el chempıony «Ordabasy» óz alańynda Qaraǵandynyń«Shahter» klýbymen kezdesedi.

Byltyr qazan aıynda Shymkenttiń komandasy óz alańynda Kenshiler qalasynyń komandasyn jeńip, tuńǵysh ret el chempıony ataǵyn jeńip alǵan edi.

Premer-lıganyń matchtaryn Qazsport, Qsport pen jańa ashylǵan Qfootball telearnalary tikeleı efırde kórsetedi. Ázirshe alǵashqy alty týrdaǵy oıyndardyń bastalý ýaqyty belgili, al qalǵan týrlardaǵy matchtardyń bastalý ýaqyty týraly aqparat keıinirek jarııalanady.

Eske sala ketsek, 1 naýryzdan bastap elimizde biryńǵaı ýaqyt belgilenedi. Oıyndardyń tolyq kúntizbesin Telegram-arnasynda nemese qfl.kz saıtynan kórýge bolady.

Dastan KENJALIN,

ASTANA