Anjelıka Lýkas Taılandta qarsylasyn nokaýtpen jeńdi (VIDEO)

Kásipqoı boksshy Anjelıka Lýkas Taılandta kezekti jekpe-jegine shyǵyp, jergilikti boksshyn Kadesara Djadpakdıdi nokaýtpen jeńdi. Ol osymen asa jeńil salmaqtaǵy jetinshi jeńisine jetti.

Osy jekpe-jekten keıin boksshy áleýmettik jelide jeńisin Qazaqstanǵa arnaıtynyn aıtty.

Búgin men kásibı mansabymda jetinshi ret jeńiske jettim. Oǵan árıne, óte qýanyshtymyn. Osy jeńisimdi súıikti elime arnaımyn.

Qazir menimen boksshylardyń kóbi judyryqtasqysy kelispeıdi.

Maǵan Bangkogta Kadesara Djadpakdıge qarsy jekpe-jek ótkizýdi usynǵan kezde oılanyp qalǵanym ras. О́ıtkeni, qarsylasyma onyń týǵan jerinde qarsy turý ońaı emes. Onyń belgili bir qaýpi bar. Biraq men absolıýtti álem chempıony bolǵym keletinimdi aıttym. Men qarsylastarymdy tańdamaı, bárin, tipti óz jerinde de jeńýim kerek. Kásipqoı boksta álsiz adam bolmaıdy. Bir sekýndta bári ózgeredi, bir soqqy bárin sheshedi.

Bul men úshin óte mańyzdy jeńis boldy. Men tek nokaýtpen nemese nokdaýnmen jeńiske jetýim kerek ekenin bildim. Áıtpese, jeńis eshkimge berilmeıdi. Sondyqtan men jenkpe-jekti kóp sozbaı, qarsylasymdy nokaýtqa túsirip,  jeńdim!

Osy jeńisti elime arnaımyn. Men qaı kezde, qaı jerde júrsem de elimniń ystyq alaqanyn,  qoldaýyn sezinemin. Bárińizge rahmet! Absolıýtti álem chempıony tıtýlyn alýǵa da az ýaqyt qaldy. Alǵa!, — dedi ol.

Bul jekpe-jekte Angelına Lýkas Kadesara Djadpakdıdi ýaqytynan buryn jeńdi. Negizi jekpe-jek segiz raýndqa josparlanǵan edi. Alaıda referı tórtinshi raýndta aıqasty toqtatty.

Lýkastyń qarsylasy da osal boksshy emes. Ol qazirge deıin kásipqoı bokstyń sharshy alańynda jeti ret jeńiske jetken. Úsh ret jeńilgen. Osy joly tórtinshi ret jeńilistiń aщy dámin tatty.

Dastan KENJALIN,

ASTANA

 

View this post on Instagram

 

A post shared by Angelina Lukas (@angelina_lukas1997)