قفف ستانيسلاۆ چەرچەسوۆتىڭ جالاقىسىنا قاتىستى مالىمدەمە جاسادى

قازاقستان فۋتبول فەدەراتسياسى الەۋمەتتىك جەلىدە ۇلتتىق قۇراما كوماندانىڭ باس جاتتىقتىرۋشىسى بولىپ تاعايىندالعان رەسەي ازاماتى ستانيسلاۆ چەرچەسوۆتىڭ الاتىن جالاقىسى تۋرالى تاراعان اقپاراتقا قاتىستى رەسمي مالىمدەمە جاسادى.

كەيبىر اقپارات كوزدەرى چەرچەسوۆ جىلىنا 1،2 ملن ەۋروعا جۋىق اقشا الادى دەپ جازعان.

مىسالى، الەۋمەتتىك جەلىدەگى اقپاراتقا قاراعاندا ول ايلىعىن تەڭگەگە شاققاندا 1 168 800 000 تەڭگە الادى.

قفف بۇل اقپاراتتى راستامادى.

كەيبىر بۇقارالىق اقپارات قۇرالدارىندا جاريالانعان فۋتبولدان قازاقستان ۇلتتىق قۇراماسىنىڭ جاڭا باس جاتتىقتىرۋشىسى ستانيسلاۆ چەرچەسوۆتىڭ جالاقىسى تۋرالى اقپارات اسىرا كورسەتىلگەن جانە شىنايىلىققا سايكەس كەلمەيدى.

كەلىسىمشارتتىڭ قۇپيالىعىن ساقتاي وتىرا جاتتىقتىرۋشىنىڭ جالاقىسى جاريا ەتىلمەيتىنىن حابارلايمىز. كەلىسىمشارت بيۋدجەت تاراپىنان قارجىلاندىرىلمايدى،

ال ماگومەد اديەۆپەن كەلىسىمشارت ەكى جاقتىڭ كەلىسىمىمەن توقتاتىلدى،  — دەلىنگەن حابارلامادا.

ەسكە سالا كەتسەك، كەشە ستانيسلاۆ چەرچەسوۆتىڭ فۋتبولدان قازاقستان ۇلتتىق قۇراما كومانداسىنىڭ باس جاتتىقتىرۋشىسى قىزمەتىنە تاعايىندالعانى تۋرالى حابار شىقتى.

داستان كەنجالين،

استانا