QFF Stanıslav Cherchesovtyń jalaqysyna qatysty málimdeme jasady

Qazaqstan fýtbol federaııasy áleýmettik jelide ulttyq qurama komandanyń bas jattyqtyrýshysy bolyp taǵaıyndalǵan Reseı azamaty Stanıslav Cherchesovtyń alatyn jalaqysy týraly taraǵan aqparatqa qatysty resmı málimdeme jasady.

Keıbir aqparat kózderi Cherchesov jylyna 1,2 mln eýroǵa jýyq aqsha alady dep jazǵan.

Mysaly, áleýmettik jelidegi aqparatqa qaraǵanda ol aılyǵyn teńgege shaqqanda 1 168 800 000 teńge alady.

QFF bul aqparatty rastamady.

Keıbir buqaralyq aqparat quraldarynda jarııalanǵan fýtboldan Qazaqstan ulttyq quramasynyń jańa bas jattyqtyrýshysy Stanıslav Cherchesovtyń jalaqysy týraly aqparat asyra kórsetilgen jáne shynaıylyqqa sáıkes kelmeıdi.

Kelisimsharttyń qupııalyǵyn saqtaı otyra jattyqtyrýshynyń jalaqysy jarııa etilmeıtinin habarlaımyz. Kelisimshart bıýdjet tarapynan qarjylandyrylmaıdy,

Al Magomed Adıevpen kelisimshart eki jaqtyń kelisimimen toqtatyldy,  — delingen habarlamada.

Eske sala ketsek, keshe Stanıslav Cherchesovtyń fýtboldan Qazaqstan ulttyq qurama komandasynyń bas jattyqtyrýshysy qyzmetine taǵaıyndalǵany týraly habar shyqty.

Dastan KENJALIN,

ASTANA