Memleket basshysy Qasym-Jomart Toqaev «Atletıko Madrıd» fýtbol klýbynyń prezıdenti Enrıke Sereso Torrespen kezdesti, dep habarlady Aqorda.
Prezıdentke elimizde «Atletıko Madrıd» fýtbol akademııasyn ashý jobasy tanystyryldy.
Qasym-Jomart Toqaev ıspanııalyq klýbtyń fýtbol álemindegi bedeli zor ekenin atap ótip, elimizde sporttyń osy túrin damytýǵa jáne tájirıbe almasýǵa qyzyǵýshylyq tanytqany úshin Enrıke Sereso Torreske alǵys bildirdi.
Memleket basshysynyń aıtýynsha, Qazaqstanda fýtboldy damytýǵa aıryqsha nazar aýdarylady. Qazir elimizdegi sport mektepterinde, fýtbol sekııalarynda 40 myńǵa jýyq bala jattyǵady. Sondaı-aq ınfraqurylym jaqsartylyp, jańa stadıondar salynýda.
Qasym-Jomart Toqaev fýtboldy damytýǵa baǵyttalǵan bul bastamaǵa memleket jan-jaqty qoldaý kórsetýge daıyn ekenin aıtty.
О́z kezeginde Enrıke Sereso Torres «Atletıko Madrıd» fýtbol akademııasy álemniń kóptegen elinde ashylǵanyn jetkizdi. Akademııada daryndy fýtbolshylardy tárbıeleýmen qatar, olardy álemdik fýtbol lıgalaryna shyǵarý úshin úzdik tájirıbelerdi engizýge, jattyqtyrýshylar men tálimgerlerdiń biliktiligin arttyrýǵa mán beriledi.
«Atletıko Madrıd» fýtbol akademııasy Almaty oblysy, Talǵar qalasyndaǵy Akbulak Olımpıada ortalyǵynyń bazasynda qurylady.
Kezdesý sońynda Enrıke Sereso Torres Qasym-Jomart Toqaevqa «Atletıko Madrıd» oıynshylarynyń qoltańbasy qoıylǵan jeıde syılady.