تاعى ءبىر ادام قفف پرەزيدەنتى لاۋازىمىنا ۇمىتكەرلىكتەن باس تارتتى

قازاقستان فۋتبول فەدەراتسياسىنىڭ سايلاۋ كوميتەتىنە  ەرلان جامانتاەۆ («جەكە فۋتبول مەكتەپتەرى مەن اكادەميالارىنىڭ رەسپۋبليكالىق ليگاسى قاۋىمداستىعى» زتب وكىلى) سايلاۋعا قاتىسۋدان ءوز ەركىمەن باس تارتۋى تۋرالى ءوتىنىش ءبىلدىردى، دەپ حابارلادى قازاقستان فۋتبول فەدەراتسياسى.

وتىنىشكە سايكەس، قفف سايلاۋ كوميتەتى ەرلان جامانتاەۆتى قفف پرەزيدەنتى لاۋازىمىنا ۇمىتكەرلەر تىزىمىنەن شىعارۋ تۋرالى شەشىم قابىلدادى.

بۇعان دەيىن قفف پرەزيدەنتتىگىنە ءوتىنىم بەرگەن نارگيس ماعاۋ سايلاۋعا تۇسۋدەن ءوز ەركىمەن باس تارتقان بولاتىن.

وسىلايشا، قفف پرەزيدەنتتىگىنە بەس ادام ۇمىتكەر بولىپ وتىر. ولار:   التاي داۋموۆ («الماتى وبلىسىنىڭ فۋتبول قاۋىمداستىعى» زتب)، ەربول قايىروۆ («اقمولا وبلىستىق فۋتبول قاۋىمداستىعى» زتب)، داۆيد لوريا («قاراعاندى وبلىستىق فۋتبول قاۋىمداستىعى» زتب)، مارات وماروۆ («استانا قالاسى فۋتبول فەدەراتسياسى قاۋىمداستىعى» زتب).

قفف-نىڭ كەزەكتەن تىس XXVII سايلاۋ كونفەرەنتسياسى 2024 جىلدىڭ 20 جەلتوقسانىندا بولادى.