تالانتتى جاستاردىڭ قاتارى كوبەيىپ كەلەدى

الماتىداعى تانىمال شىمبۇلاق تاۋ كۋرورتىندا العاش رەت جاسوسپىرىمدەر اراسىندا موگۋل جانە شاڭعى اكروباتيكاسى بويىنشا فريستايلدان FIS ءالەم چەمپيوناتى ءوتتى.

وعان 13 ەلدىڭ 110-نان استام سپورتشى قاتىستى.

چەمپيونات 14 پەن 20 جاس ارالىعىنداعى ۇزدىك جاس سپورتشىلاردىڭ باسىن قوسادى. قازاقستاننىڭ اتىنان مىقتى اتلەتتەر شىعادى. ونىڭ ىشىندە 2024 جىلى يتاليادا موگۋلدان التىن جۇلدە العان اناستاسيا گورودكو بار. چەمپيوناتتى ۇيىمداستىرۋ الماتىنىڭ قىسقى سپورت تۇرلەرىنىڭ حالىقارالىق ورتالىعى رەتىندە ستاتۋسىن بەكىتە ءتۇستى. بۇل جارىستى تۋريزم جانە سپورت مينيسترلىگى، «سامۇرىق قازىنا قورى اق»، «سپورت قورى» سپورتتى قولداۋ قورى، الماتى قالاسىنىڭ اكىمدىگى، ۇلتتىق شاڭعى اسسوتسياتسياسى، شىمبۇلاق تاۋ كۋرورتى، Visit Almaty گەگىزگى سەرىكتەستەر مەن دەمەۋشى اتاندى.

جاسوسپىرىمدەر اراسىنداعى فريستايلدان FIS الەم چەمپيوناتى – 1986 جىلدان باستاپ حالىقارالىق شاڭعى سپورتى فەدەراتسياسىنىڭ (FIS) اياسىندا فريستايلدان وتەتىن حالىقارالىق تۋرنير.

ايتا كەتەيىك، 2018/2019 جىلعى ماۋسىمدا الماتىدا العاش رەت موگۋل باعىتىندا فريستايلدان الەم كۋبوگىنىڭ كەزەڭى ءوتتى. جارىسقا 12 ەلدىڭ ۇزدىك سپورتشىسى قاتىستى. قازاقستان كومانداسىنىڭ كوشباسشىسى يۋليا گالىشەۆا ءوز الاڭىنداعى كەزەڭدە التىن مەدال يەلەندى.

2019/2020 جىلعى ماۋسىمدا الماتى تاعى دا پاراللەل موگۋل باعىتىندا فريستايلدان FIS الەم كۋبوگى كەزەڭىن جانە العاش رەت شاڭعى اكروباتيكاسى باعىتىندا فريستايلدان FIS الەم كۋبوگى كەزەڭىن وتكىزدى («وي قاراعاي» تك-دا).

2020/2021 جىلعى ماۋسىمدا الماتىدا پاراللەل موگۋل جانە شاڭعى اكروباتيكاسى بويىنشا فريستايلدان FIS الەم چەمپيوناتى مەن الەم كۋبوگىنىڭ كەزەڭدەرى ۇيىمداستىرىلدى. قازاقستان سپورتشىلارى جاقسى ونەر كورسەتتى، ال 2025 جىلى قاڭتاردا شىمبۇلاق كۋرورتى العاش رەت يۋنيورلان اراسىندا FIS الەم چەمپيوناتىن وتكىزەدى.

2022/2023 جىلعى ماۋسىمدا الماتى قالاسى ءتورتىنشى رەت الەم كۋبوگىنىڭ فينالدىق كەزەڭدەرىن وتكىزدى، وندا حرۋستال شلوبۋستار تابىس ەتىلدى. قازاقستان سپورتشىلارى اراسىندا موگۋلدان 2-ورىن العان پاۆەل كولماكوۆ كوزگە تۇسە الدى.

2023/2024 جىلعى ماۋسىمدا شاڭعى اكروباتيكاسى جانە موگۋلدان الەم كۋبوگىنىڭ فينالدىق كەزەڭدەرى ءوتتى. پاراللەل موگۋل باعىتىندا پاۆەل كولماكوۆ جارىستىڭ فينالىنا ءوتىپ، كۇمىس مەدال يەلەندى.

جاسوسىپرىمدەر اراسىندا الەم چەمپيوناتىن وتكىزۋ كەزەڭىندە YouTube FIS-TV ونلاين كورسەتىلىمىن ۇيىمداستىرىلدى.

نۇرلان قۇمار،

الماتى