III تمد ەلدەرى ويىندارى: قازاقستان قۇراماسى 82 جۇلدەمەن كەلە جاتىر

بۇگىن ازەربايجاندا III تمد ەلدەرى ويىندارى مارەسىنە جەتتى، دەپ حابارلادى تۋريزم جانە سپورت مينيسترلىگى سپورتتى دامىتۋ ديرەكتسياسىنىڭ ءباسپاسوز قىزمەتى.

جەتى قالادا قاتار وتكەن كەشەندى جارىستا قازاقستان قۇراماسىنىڭ سپورتشىلارى 10 التىن، 24 كۇمىس، 48 قولا (بارلىعى 82) مەدال جەڭىپ الىپ، جالپىكوماندالىق ەسەپتە 5-ورىننان كورىندى.

جەكەلەگەن سپورت تۇرلەرى بويىنشا ناتيجەمىز مىناداي:

كاراتە (WKF) – 3 التىن، 3 كۇمىس، 2 قولا جۇلدە:

تاەكۆوندو WT – 2 التىن، 2 كۇمىس، 3 قولا مەدال:

بوكس – 2 التىن، 1 كۇمىس، 11 قولا جۇلدە:

نىسانا كوزدەۋ – 1 التىن، 4 كۇمىس، 2 قولا مەدال:

ساداق اتۋ — 1 التىن، 2 كۇمىس جۇلدە:

كۇرەس تۇرلەرى – 1 التىن، 1 كۇمىس، 1 قولا مەدال:

ءجۇزۋ – 9 كۇمىس، 10 قولا جۇلدە:

ستەند اتۋ – 2 كۇمىس، 6 قولا مەدال:

ۇستەل تەننيسى – 3 قولا جۇلدە:

كوركەم گيمناستيكا – 3 قولا مەدال:

بادمينتون – 2 قولا جۇلدە:

سامبو – 2 قولا مەدال:

باتۋتتاعى گيمناستيكا – 2 قولا جۇلدە:

سەمسەرلەسۋ – 1 قولا مەدال:

ەسكە سالا كەتەيىك، 2023 جىلى بەلارۋس رەسپۋبليكاسىنىڭ 10 قالاسىندا II تمد ەلدەرى ويىندارىندا بولعاندا قازاقستان سپورتشىلارى 7 التىن، 14 كۇمىس، 32 قولا ەنشىلەگەن (جالپى ەسەپتە 5-ورىن).

ازىرگە قازاقستان ءۇشىن العاشقى تاۋەلسىزدىك مەملەكەتتىك دوستاستىعى ەلدەرىنىڭ ويىنى تابىستى بولىپ تۇر. 2021 جىلى رەسەيدىڭ قازان قالاسىندا قازاقستان 18 التىن، 35 كۇمىس، 53 قولا (بارلىعى 106) جۇلدەنىڭ ارقاسىندا 3-ورىن العان.

ازەربايجانداعى جارىسقا ەلىمىزدەن 18 باعدارلامادا سىنعا ءتۇسۋ ءۇشىن 132 سپورتشى باردى. بۇل قاتاردا پاريج وليمپياداسىنىڭ قولا جۇلدەگەرى (ميكست) الەكساندرا لە، سونداي-اق دانيل مۋساباەۆ، الميرا قانات، دوسبول ءشامىل سىندى جاسوسپىرىمدەر ساناتىندا الەم جانە ازيا چەمپيوناتىندا جۇلدە العان وتانداستارىمىز بار.

ال دوداعا بارلىعى 13 ەلدەن 1600-دەن استام سپورتشى جينالدى. ولار 23 ديستسيپلينادا ءوزارا جۇلدەگە تالاستى.