III TMD elderi oıyndary: Qazaqstan quramasy 82 júldemen kele jatyr

Búgin Ázerbaıjanda III TMD elderi oıyndary máresine jetti, dep habarlady Týrızm jáne sport mınıstrligi Sportty damytý dırekııasynyń baspasóz qyzmeti.

Jeti qalada qatar ótken keshendi jarysta Qazaqstan quramasynyń sportshylary 10 altyn, 24 kúmis, 48 qola (barlyǵy 82) medal jeńip alyp, jalpykomandalyq esepte 5-orynnan kórindi.

Jekelegen sport túrleri boıynsha nátıjemiz mynadaı:

Karate (WKF) – 3 altyn, 3 kúmis, 2 qola júlde:

Taekvondo WT – 2 altyn, 2 kúmis, 3 qola medal:

Boks – 2 altyn, 1 kúmis, 11 qola júlde:

Nysana kózdeý – 1 altyn, 4 kúmis, 2 qola medal:

Sadaq atý — 1 altyn, 2 kúmis júlde:

Kúres túrleri – 1 altyn, 1 kúmis, 1 qola medal:

Júzý – 9 kúmis, 10 qola júlde:

Stend atý – 2 kúmis, 6 qola medal:

Ústel tennısi – 3 qola júlde:

Kórkem gımnastıka – 3 qola medal:

Badmınton – 2 qola júlde:

Sambo – 2 qola medal:

Batýttaǵy gımnastıka – 2 qola júlde:

Semserlesý – 1 qola medal:

Eske sala keteıik, 2023 jyly Belarýs Respýblıkasynyń 10 qalasynda II TMD elderi oıyndarynda bolǵanda Qazaqstan sportshylary 7 altyn, 14 kúmis, 32 qola enshilegen (jalpy esepte 5-oryn).

Ázirge Qazaqstan úshin alǵashqy Táýelsizdik memlekettik dostastyǵy elderiniń oıyny tabysty bolyp tur. 2021 jyly Reseıdiń Qazan qalasynda Qazaqstan 18 altyn, 35 kúmis, 53 qola (barlyǵy 106) júldeniń arqasynda 3-oryn alǵan.

Ázerbaıjandaǵy jarysqa elimizden 18 baǵdarlamada synǵa túsý úshin 132 sportshy bardy. Bul qatarda Parıj Olımpıadasynyń qola júldegeri (mıkst) Aleksandra Le, sondaı-aq Danıl Mýsabaev, Almıra Qanat, Dosbol Shámil syndy jasóspirimder sanatynda álem jáne Azııa chempıonatynda júlde alǵan otandastarymyz bar.

Al dodaǵa barlyǵy 13 elden 1600-den astam sportshy jınaldy. Olar 23 dısıplınada ózara júldege talasty.