SportPress.kz Qazaqstan sport jańalyqtary
13–21 qyrkúıek aralyǵynda Horvatııanyń Zagreb qalasynda grek-rım kúresinen eresekter arasynda ótken álem chempıonatynda elimizdiń namysyn qorǵaǵan jambyldyq balýan Qoshqar Din-Muhamed 67 keli salmaq dárejesinde kúresti.
Ol alǵashqy aınalymdarda senimdi kúresip, qarsylastaryna laıyqty qarsylyq kórsetti. Armenııa ókili, tájirıbeli balýan Slavık Galstıanǵa upaı sanymen ese jibergenimen, bul doda Din-Muhamed úshin úlken tájirıbe mektebi boldy. Aıta keterligi, bul onyń eresekter arasyndaǵy ekinshi álem chempıonaty edi.
Buǵan deıin, 2022 jyly Qoshqar Din-Muhamed Qazaqstan chempıony atanyp, sol jyly Serbııanyń Belgrad qalasynda ótken álem chempıonatyna qatysqan. Sol jyly-aq ol jastar arasynda Bolgarııanyń Sofııa qalasynda ótken álem chempıonatynda qola júldege ıe boldy.
2024 jyly Parıj Olımpıadasyna lıenzııalyq týrnır retinde ótken Túrkııanyń Stambýl qalasyndaǵy halyqaralyq jarysta úshinshi oryn ıelenip, elimizdiń grek-rım kúresi mektebiniń deńgeıin taǵy bir márte dáleldedi.
Qoshqar Din-Muhamed – Qazaqstan Respýblıkasynyń sport sheberi, 2002 jyly Jambyl oblysy, Taraz qalasynda dúnıege kelgen. Qazirgi tańda ol Ortalyq Azııa Innovaııalyq Ýnıversıtetiniń (entralno-Azıatskıı Innovaıonnyı Ýnıversıtet) 2-kýrs stýdenti.
Jeke jattyqtyrýshysy Rınat Ismaılov balýandy bala kezinen tárbıelep, kúrestiń qyr-syryna baýlyp keledi. Uzaq jyldyq eńbektiń nátıjesinde Din-Muhamed elimizdiń beldi sportshylarynyń qataryna qosylyp otyr.
-Álem chempıonaty men úshin úlken tájirıbe boldy. Ár beldesý — jańa sabaq, jańa maqsatqa jol ashady. Endigi armanym — 2028 jyly AQSh-tyń Los-Andjeles qalasynda ótetin jazǵy Olımpıada oıyndarynda el namysyn abyroımen qorǵap, altyn medal ıelený, — deıdi Qoshqar Din-Muhamed.
Búginde jas sportshy tyń daıyndyq kezeńin bastady. Ol tek kúres kileminde ǵana emes, ómirde de tabandylyq pen eńbekqorlyqtyń úlgisin kórsetip keledi. Sportqa degen shynaıy súıispenshiligi men maqsatqa degen adaldyǵy onyń aldaǵy jetistikteriniń kepili bolmaq.
Nurshah SALIMOVA,
TARAZ
