SportPress.kz قازاقستان سپورت جاڭالىقتارى
17 جاستاعى تەننيسشى زاڭعار نۇرلان ۇلى جاسوسپىرىمدەر اراسىندا اۋستراليا اشىق چەمپيوناتىنىڭ جارتىلاي فينالىنا جولداما الدى، دەپ حابارلادى قازاقستان تەننيس فەدەراتسياسى.
جاسوسپىرىمدەر اراسىندا الەمدىك رەيتينگىدە 12-ورىندا تۇرعان تەننيسشى ءتۋرنيردىڭ 8-راكەتكاسى بولىپ تىركەلگەن.
ول شيرەك فينالدا گونكونگ وكىلى كاي تومپسونمەن وينادى. ءبىرىنشى پارتيادا ونىڭ قارسىلاسى 6:3 ەسەبىمەن باسىمدىق تانىتتى. تايتالاسقا تولى ماتچتا ەكىنشى سەتتە قازاق سپورتشىسى تاي-برەيكتە – 7:6 (7:4) ەسەبىمەن قارىمتا قايىردى.
شەشۋشى، ءۇشىنشى پارتيادا ەسەپ 3:1 بولعان كەزدە تومپسون دوپ بەرگەندە، زاڭعار نۇرلانقلى اياعىنان جاراقات الىپ قالدى. اقساڭداپ ازەر جۇرسە دە، ول برەيك جاساي الدى. ەسەپ – 4:1. بىراق كەلەسىدە ءوز گەيمىن بەرىپ قويدى. دەگەنمەن ماتچقا دوپ بەرگەندە، مۇمكىندىگىن جىبەرگەن جوق. قورىتىندى ەسەپ – 6:4.
وسىلايشا، زاڭعار نۇرلان ۇلى سپورتتىق جولىندا العاش رەت اۋستراليا اشىق چەمپيوناتىنىڭ جارتىلاي فينالىنا شىقتى.
ونىڭ كەلەسى قارسىلاسى كەيىن بەلگىلى بولادى. نۇرلان ۇلى وتكەن جىلى جاسوسپىرىمدەر اراسىندا وتانداستارىمىزدان تۇڭعىش رەت اقش اشىق چەمپيوناتىنىڭ جارتىلاي فينالىنا دەيىن جەتكەن ەدى.
