Australian Open: Zańǵar Nurlanuly bes saǵat oınap, alǵash ret jartylaı fınalǵa shyqty

17 jastaǵy tennısshi Zańǵar Nurlanuly jasóspirimder arasynda Aýstralııa ashyq chempıonatynyń jartylaı fınalyna joldama aldy, dep habarlady Qazaqstan tennıs federaııasy.

Jasóspirimder arasynda álemdik reıtıngide 12-orynda turǵan tennısshi týrnırdiń 8-raketkasy bolyp tirkelgen.

Ol shırek fınalda Gonkong ókili Kaı Tompsonmen oınady. Birinshi partııada onyń qarsylasy 6:3 esebimen basymdyq tanytty. Taıtalasqa toly matchta ekinshi sette qazaq sportshysy taı-breıkte – 7:6 (7:4) esebimen qarymta qaıyrdy.

Sheshýshi, úshinshi partııada esep 3:1 bolǵan kezde Tompson dop bergende, Zańǵar Nurlanqly aıaǵynan jaraqat alyp qaldy. Aqsańdap ázer júrse de, ol breık jasaı aldy. Esep – 4:1. Biraq keleside óz geımin berip qoıdy. Degenmen matchqa dop bergende, múmkindigin jibergen joq. Qorytyndy esep – 6:4.

Osylaısha, Zańǵar Nurlanuly sporttyq jolynda alǵash ret Aýstralııa ashyq chempıonatynyń jartylaı fınalyna shyqty.

Onyń kelesi qarsylasy keıin belgili bolady. Nurlanuly ótken jyly jasóspirimder arasynda otandastarymyzdan tuńǵysh ret AQSh ashyq chempıonatynyń jartylaı fınalyna deıin jetken edi.