SportPress.kz Qazaqstan sport jańalyqtary
Astanada Sport kúnine oraı «Sportshylar keńesi» qoǵamdyq birlestiginiń uıymdastyrýymen «Qazaqstandaǵy sport: reformalardan nátıjelerge deıin» atty konferenııa bastaldy, dep habarlaıdy Egemen.kz.
Osy jıynda qarjyny ońtaılandyrý máselesi týraly sóz bolǵanda týrızm jáne sport vıe-mınıstri Serik Jarasbaev Qazaqstan klýbtarynda oınaıtyn sheteldik sportshylarǵa jyl saıyn jumsalǵan 3,5 mlrd teńge múldem qysqartylǵanyn aıtty.
Basqosýda ol memlekettik aqshasy legıonerlerge emes, balalar sportyna jumsalatynyn atap ótti.
«Bıyldan bastap qarajat balalar men jasóspirimder jáne buqaralyq sportty damytýǵa arnalady», dedi sóz sóıleýshi.
Konferenııada reformalardyń qorytyndylary men salany damytýdyń aldaǵy josparlary talqylanyp jatyr. Bıyl elimizde birneshe dúrmekti dodanyń da bolatyny, oǵan qazirden bastap daıyndyqtyń bastalyp ketkeni de aıtyldy.
«Qazanda Astanada sporttyq kúres túrlerinen álem chempıonaty, qarasha aıynda Dúnıejúzilik dopıngke qarsy agenttiktiń (WADA) Atqarýshy komıtetiniń otyrysy bolady. Kelesi jyly bokstan, dzıýdodan, taekvondodan, ústel tennısinen jáne kıbersporttan álem chempıonattary, short-trekten jasóspirimder arasyndaǵy álem chempıonaty ótkiziledi. Budan bólek, elimizde ÝEFA-nyń 51-kongresi ótedi.
Aldaǵy kúntizbede — 2029 jyly Almatyda ótetin qysqy Azııa oıyndary jáne 2030 jyly Astanada jeńil atletıkadan jabyq ǵımarattaǵy álem chempıonaty bar», dedi S. Jarasbaev.
Konferenııa jumysy úsh plenarlyq sessııa boıynsha bolyp jatyr. Sessııalar reformalar jáne basqarý tıimdiligi, medıına, ǵylym jáne ıfrlandyrý, urpaqtar sabaqtastyǵy jáne buqaralyq sport taqyrybyna arnalyp otyr.
Qazir mınıstrlik «Deneshynyqtyrý jáne sportty damytý týraly» zańdy basshylyqqa alyp, jumys isteýde. Bul qujat Prezıdent Qasym-Jomart Toqaevtyń Ulttyq quryltaıdyń IV otyrysynda sportty damytý máselesin erekshe nazarǵa alǵannan keıin Parlamentte eki oqylymda qaralyp, maquldaǵan edi.
Atalǵan zań sporttyń basym túrlerin aıqyndaýǵa, olardy qarjylandyrýǵa jáne deneshynyqtyrý men sport sýbektilerimen ózara is-qımylǵa baǵyttalǵan.
Osydan keıin komandalyq sport túrlerinen klýbtar birte-birte legıonerlerden bas tarta bastady. Mysaly, Qyzylordanyń «Qaısar» jasaǵy fýtboldan byltyrǵy maýsymda alǵashqylardyń biri bolyp legıonersiz oınady. Sol sııaqty «Atyraý» fýtbol klýbynan da biraz legıoner ketti.
