بەلگىلى جاتتىقتىرۋشى نۇرسۇلتان ورىنباساروۆ سايلاۋدا ءوز تاڭداۋىن جاسادى

مما شەبەرى نۇرسۇلتان ورىنباساروۆ ىلە اۋدانىنىڭ اششىبۇلاق اۋىلدىق وكرۋگىندەگى №1058 سايلاۋ ۋچاسكەسىنە بارىپ، قۇرىلتاي دەپۋتاتتارىنىڭ سايلاۋىندا داۋىس بەردى.

نۇرسۇلتان ورىنباساروۆ – س.نۇرماعامبەتوۆ اتىنداعى «ساعادات باتىر» سپورت كلۋبىنىڭ نەگىزىن قالاۋشى، گرەپپلينگتەن ازيا چەمپيونى، دجيۋ-دجيتسۋدان رەسپۋبليكالىق جانە حالىقارالىق تۋرنيرلەردىڭ جەڭىمپازى.

سپورتشى جەڭىستىڭ ارتىندا ءتارتىپ، تاباندىلىق پەن جاۋاپكەرشىلىك تۇرعانى سەكىلدى، ەل بولاشاعىنا قاتىستى ماڭىزدى قادامداردا دا ازاماتتىق جاۋاپكەرشىلىكتىڭ ورنى ەرەكشە ەكەنىن ايتتى.

«سپورتتا ءبىز ءاردايىم ەلىمىزدىڭ ابىرويىن بيىك قويۋعا تىرىسامىز. ەلدىڭ بولاشاعى، بىرلىگى مەن تۇراقتىلىعى – بارشامىزعا ورتاق قۇندىلىق. سوندىقتان ءار ازامات ءوز تاڭداۋىنا جاۋاپكەرشىلىكپەن قاراپ، ەل دامۋىنا ءوز ۇلەسىن قوسۋى ماڭىزدى. «ءار ازامات ءوز تاڭداۋىنا جاۋاپكەرشىلىكپەن قاراۋى كەرەك»، دەدى نۇرسۇلتان ورىنباساروۆ.

داۋىس بەرگەننەن كەيىن سپورتشى تۇرعىنداردى بىرلىك پەن ىنتىماقتى ساقتاپ، ازاماتتىق بەلسەندىلىك تانىتۋعا شاقىردى.

نايما نۇرالي