Шұғыла Өмірбек U23 әлем чемпионатының қола жүлдегері атанды

Қазақстан әйелдер құрамасының өкілі Шұғыла Өмірбек АҚШ-тың Лас-Вегас қаласында өтіп жатқан U23 әлем чемпионатында қола медаль жеңіп алды, деп хабарлайды Egemen.kz.

Ол 55 келіге дейінгі салмақ дәрежесінде қола жүлде үшін Украинаның спортшысы Снежана Онуфриевамен күресті.

Белдесуде 11:10 есебімен Шұғыла Өмірбек жеңіске жетті.

Осылайша, Қазақстан әйелдер күресінен әлем чемпионатындағы алғашқы медалін иеленді.

Кеше ерлер арасындағы жарыста Қазақстан құрамасының қоржыны тағы 3 медальмен толықты. Оған дейін Айбек Айтбеков (-60 кг) пен Юсуф Ашрапов (-72 кг) чемпион атанған еді.

Дастан КЕНЖАЛИН,

АСТАНА