Qazaqstan júzgishteri rekordty jańartyp jatyr

Astanada alǵash ret sýǵa júzýden ótip jatqan World Aquatics – Astana 2026 álem kýboginiń kezeńinde altyn sportshymyz fınalǵa shyǵyp, eki sportshymyz rekordtty jańartty, dep habarlaıdy Egemen.kz.

Irikteý básekeleriniń qorytyndysy boıynsha 50 metrge erkin stılde júzýde Gleb Kovalenıa 21,31 sekýnd nátıje kórsetip, Qazaqstan rekordyn 0,04 sekýndqa jaqsartty. Ol keshki sessııada ótetin fınaldyq jarysqa qatysady.

100 metrge batterflıaı ádisimen júzýde birden eki otandasymyz fınalǵa shyqty. Ádilbek Mýsın qashyqtyqty 51,42 sekýndta júzip ótse, Maksım Skazobov 51,53 sekýnd nátıje kórsetip, irikteý kezeńinde segizinshi oryn aldy.

Aıbat Myrzamuratov 200 metrge brass ádisimen júzýde 2:07,15 sekýnd ýaqyt kórsetip, irikteý kezeńin besinshi orynmen aıaqtady. Egor Popov 100 metrge keshendi júzýde 54,64 sekýnd nátıje kórsetip, fınalǵa joldama aldy. Al Sofıa Spodarenko 100 metrge batterflıaı ádisimen júzýde júldege talasady. Onyń irikteý kezeńindegi nátıjesi — 58,55 sekýnd.

Taǵy bir ulttyq rekordty Ǵalymjan Balabek jańartty. Ol 400 metrge erkin stılde júzýde 3:46,87 sekýnd nátıje kórsetip, bir apta buryn Tashkentte ótken álem kýbogi kezeńinde jasaǵan óz rekordyn jańartty.

Egor Popov 100 metrdi erkin stılde 47.74 sekýndta júzip ótip, onynshy oryn aldy.

Sofıa Spodarenko 50 metrdi batterflıaı ádisimen 26.27 sekýndta baǵyndyryp, toǵyzynshy orynǵa jaıǵasty. Sofıa irikteý kezeńinde kórsetken 25.97 sekýnd nátıjesi arqyly Qazaqstan rekordyn jańartty.

Aıbat Myrzamuratov 50 metrge brass ádisimen júzýde 26.50 sekýnd nátıjesin kórsetip, segizinshi orynǵa ıe boldy. Odan bólek otandasymyz ulttyq rekordty jańartty.

Aıbat sondaı-aq 200 metrge keshendi júzý saıysynda 1:57.91 ýaqyt kórsetkishin tirkep, onynshy satyǵa taban tiredi.

Buǵan deıin Sofıa Spodarenkonyń 50 metrge batterflıaı ádisimen júzýde máre syzyǵyn 25,97 sekýndta kesip ótip, Qazaqstan rekordyn jańartty.

Bul jarysqa álemniń túkpir-túkpirinen 40-qa jýyq elden 300-den astam sportshy qatysady. Olardyń qatarynda Olımpıada chempıondary men qazirgi rekord ıeleri de bar.

Qazaqstan quramasynyń namysyn 22 sańlaq qorǵaıdy. Erler men áıelder 17 saıys túri boıynsha júldege talasady.

Fınaldyq jarystar búgin, 16 qazanda, Astana ýaqytymen saǵat 18:00-de bastalady.

Dastan KENJALIN,

ASTANA