SportPress.kz Qazaqstan sport jańalyqtary
Argentınanyń Gýalegýaıchý qalasynda baıdarka men kanoede eskek esý marafonynan jáne parakanoeden ótip jatqan álem chempıonatynda erler arasynda parakanoeden VL1 sanatynda synǵa túsken otandasymyz Maksım Bogatyrıov altyn júldeni jeńip aldy, dep habarlady Eskek esý sporty túrlerinen ulttyq federaııanyń baspasóz qyzmeti.
Ol jarystyń alǵashqy kúni qaıyqpen 8 shaqyrym 200 metrdi 58 mınýt, 03.17 sekýndta júzip ótti.
Maksım Bogatyrıov máre syzyǵyn ekinshi kesken brazılııalyq Gabrıel Nýnesten 9 mınýt, 11 sekýnd ozyp ketti.
Endi aldaǵy kúnderi ulttyq quramanyń sportshysy baıdarkamen jarysta baq synaıdy.
«Álemdik dodaǵa 38 elden 683 sportshy qatysyp jatyr. Parakanoeden 14 baǵdarlamada júlde sarapqa salynady», — delingen Eskek esý sporty túrlerinen ulttyq federaııanyń baspasóz qyzmetiniń habarlamasynda.
Maksım Bogatyrıov bıyl jazda Túrkistan qalasynda ótken lıenzııalyq Azııa chempıonatynda 2 kúmis medal jeńip alǵan.
Jaqynda Japonııanyń Aıchı prefektýrasy men onyń ortalyǵy Nagoıa qalasynda jalaýy jelbiregen Azııa oıyndarynda da eskekshilerimiz júlde alyp, elimizdiń qorjynyna úles qosqan edi.
