پارا ازيادا: قازاقستان ۆولەيبولدان كۇمىس جۇلدەنى يەلەندى

جاپونيانىڭ ناگويا قالاسىندا ءوتىپ جاتقان V ازيا پارا ويىندارىندا ۆولەيبولدى وتىرىپ ويناۋدان قازاقستان ۇلتتىق قۇراماسى كۇمىس مەدال يەلەندى.

فينالدا ۇلتتىق قۇرامانىڭ سپورتشىلارى يران كومانداسىمەن ويناپ، 0:3 ەسەبىمەن جەڭىلدى. ال قولا جۇلدەگە يراك قۇراماسى يە بولدى.

قازاقستان كومانداسى جارىستى جاقسى باستاعان ەدى. العاشقى ويىندا وتانداستارىمىز تايلاند قۇراماسىن جەڭگەن بولاتىن. ودان كەيىن يرانمەن ويناپ، 0:3 ەسەبىمەن جەڭىلىپ قالدى. ال جارتىلاي فينالدا يراك قۇراماسىن 3:2 ەسەبىمەن جەڭىپ، فينالعا شىقتى. فينالدا جاڭا ايتىپ كەتكەنىمىزدەي، تاعى دا يران ۆولەيبولشىلارىمەن چەمپيون اتاعىن ساراپقا سالىپ، جەڭىلۋگە ءماجبۇر بولدى.

داستان كەنجالين،

استانا