• Қазақ
  •   
  • Qazaq
  •   
  • قازاق
  •   
  • Рус
  •   
    Týrızm jáne sport mınıstrligi

    Qazaqstan sportshylary jyl basynan beri 341 medal jeńip aldy

    2026 jyldyń basynan beri sportshylar halyqaralyq jarystarda jaqsy nátıjege jetip keledi. Atap aıtqanda, otandastarymyz álem chempıonattarynda 43, Azııa chempıonattarynda 48 ret jeńis tuǵyrynyń eń bıik satysyna kóterildi, dep habarlady SportPress.kz.

    Týrızm jáne sport mınıstri Erbol Myrzabosynovtyń aıtýynsha, jalpy el sportshylary 341 medal ıelendi. Onyń 103-i – altyn, 106-sy – kúmis, 132-si – qola júlde.

    «Bıylǵy aıtýly jetistikterdiń biri retinde Qazaqstannyń sapymen semserlesýden erler quramasynyń tarıhı jeńisin atap ótýge bolady. Ulttyq qurama alǵash ret álem chempıony atanyp, álemdik reıtıngte birinshi orynǵa kóterildi. Sondaı-aq Azııa chempıonaty men Azııa oıyndarynda da top jardy», dedi ol.

    Tennısshi Elena Rybakına da el sportynyń mereıin ústem etti. Ol 2026 jyly álemniń birinshi raketkasy atanyp, «Úlken dýlyǵa» sanatyndaǵy eki týrnırde jeńiske jetti.

    Japonııanyń Nagoıa qalasynda ótken XX jazǵy Azııa oıyndarynda qazaqstandyq sportshylar 84 medal jeńip aldy. Onyń 12-si – altyn, 24-i – kúmis, 48-i – qola. Nátıjesinde Qazaqstan 46 eldiń arasynda jalpykomandalyq esepte 8-orynǵa ıe boldy. Al V jazǵy Para Azııa oıyndarynda ulttyq qurama 50 medal ıelendi. Onyń 12-si – altyn, 16-sy – kúmis, 22-si – qola. Osylaısha Qazaqstan jalpykomandalyq esepte 9-orynǵa turaqtady.

    Bul jetistikter sportshylardyń halyqaralyq deńgeıdegi básekege qabilettiligin jáne elimizdiń álemdik sporttaǵy áleýetin aıqyn kórsetedi.

     

     

    Pikir jazý

    Your email address will not be published. Required fields are marked *

    *