• Қазақ
  •   
  • Qazaq
  •   
  • قازاق
  •   
  • Рус
  •   
    Ұлттық Олимпиада комитеті

    Софья Самоделкина Гран-при кезеңінде бесіктен орын алды

    АҚШ-тың Эверетт қаласында мәнерлеп сырғанаудан Гран-при сериясының кезекті кезеңі мәресіне жетті.

    Әйелдер арасындағы жекелей сында Қазақстан атынан сынға түскен Софья Самоделкина екі бағдарлама қорытындысы бойынша бесінші орынға ие болды.

    Қысқа бағдарламадан кейін отандасымыз 61,03 ұпай жинап, 11-орынға жайғасқан еді.

    Еркін бағдарламада Софья 137,56 ұпай еншілеп, төртінші орын алды. Осылайша, қос бағдарлама қорытындысында 198,59 ұпай жинаған спортшы бірден алты сатыға көтеріліп, жарысты бесінші орынмен аяқтады.

    236,81 ұпай жинаған жапониялық Ами Накаи жеңімпаз атанды. Екінші орынды бейтарап мәртебеде өнер көрсеткен ресейлік Александра Игнатова (213,90) иеленді. Ал үздік үштікті тағы бір жапониялық Рино Мацуике (211,63) түйіндеді.

     

    Дастан КЕНЖАЛИН,

    АСТАНА

     

    Пікір жазу

    Your email address will not be published. Required fields are marked *

    *